ଢେଙ୍କାନାଳ : ଭାଗ୍ଦେବୀ ସଂଗୀତ ମହାବିଦ୍ୟାଳୟ, ଢେଙ୍କାନାଳ ଆନୁକୂଲ୍ୟରେ ଷଷ୍ଠ ବାର୍ଷିକ ଉତ୍ସବ ପ୍ରତୀକ୍ଷା-୨୦୨୩ ସ୍ଥାନୀୟ ଗୋପବନ୍ଧୁ ଟାଉନ୍ ହଲ୍ ଠାରେ ଉଦ୍ଘାଟିତ ହୋଇଯାଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷା ଅର୍ଚ୍ଚନା ପୁହାଣ ଯୋଗଦେଇ ପ୍ରତିଯୋଗମାନଙ୍କୁ ଉତ୍ସାହିତ କରିବା ସହିତ ପିଲାମାନେ ଭବିଷ୍ୟତରେ କିଭଳି ଭଲ ମଣିଷ ହୋଇପାରିବେ ସର୍ବଦା ଚେଷ୍ଟା କରିବା ଆବଶ୍ୟକ ବୋଲି କହିଥିଲେ । ସେହିଭଳି ସମ୍ମାନିତ ଅତିଥି ଭାବେ ଉପନଗରପାଳ ପ୍ରକାଶ ଚନ୍ଦ୍ର କୁଅଁର, ମନରେଗା ଲୋକପାଳ ଅମରେନ୍ଦ୍ର ମଲ୍ଲ, ସମାଜସେବୀ ଅରୁଣ କୁମାର ସାହୁ ପ୍ରମୁଖ ଯୋଗଦେଇ ପ୍ରତିଯୋଗୀମାନଙ୍କୁ ଉତ୍ସାହିତ କରିଥିଲେ । ଉତ୍ସବରେ ବହୁ ପ୍ରତିଷ୍ଠିତ ବ୍ୟକ୍ତ ଯଥା ପୁରୀ ପ୍ରିୟମ୍ବଦା ହସ୍ପିଟାଲ୍ର ଅଧ୍ୟକ୍ଷ ରଞ୍ଜନ କୁମାର ମିଶ୍ରଙ୍କୁ ସମାଜସେବା ପାଇଁ, ଡ. ଅଙ୍କିତା ରଥ ଓଡିଶୀ ନୃତ୍ୟଗୁରୁ ଏବଂ ପ୍ରଫୁଲ୍ଲ ଚନ୍ଦ୍ର ସାହୁଙ୍କୁ ଓଡିଶୀ ସଂଗୀତ ପାଇଁ ସମ୍ବର୍ଦ୍ଧିତ କରାଯାଇଥିଲା । କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯିବା ସହ ବାଗ୍ଦେବୀ ସଂଗୀତ ମହାବିଦ୍ୟାଳୟର କଳାକାରମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ସୁଶାନ୍ତ କୁମାର ପାଣି ମଂଚ ପରିଚାଳନା କରିବା ସହ ଅନୁଷ୍ଠାନର ବରିଷ୍ଠ ସଦସ୍ୟ ଯତିନ କୁମାର ମିଶ୍ର ଧନ୍ୟବାଦ ଅର୍ପଣ କରିଥିଲେ ।
