ଢ଼େଙ୍କାନାଳ : ଢ଼େଙ୍କାନାଳ ଜିଲ୍ଲ ହିନ୍ଦୋଳ ବ୍ଲକ୍ ଅନ୍ତର୍ଗତ ଦଣ୍ଡିରୀ ଗ୍ରାମପଞ୍ଚାୟତର କିଛି ଅସହାୟ ମହିଳା ଭଙ୍ଗା ଦଦରା ଚାଳ ଘରେ ବିପଦପୂର୍ଣ୍ଣ ଭାବେ ରହୁଥିଲେ ମଧ୍ୟ ଆବାସ ଯୋଜନାରୁ ବାଦ୍ ପଡିଛନ୍ତି । ସେଥିମଧ୍ୟରୁ ରଜାଙ୍ଗ ଗ୍ରାମର ଲାବଣ୍ୟ ପ୍ରଧାନ ଚାଳ ଘରେ ବସବାସ କରନ୍ତି । ଦିନେ ଖାଇଲେ ଦିନେ ଉପାସ ରୁହନ୍ତି । ସେହିପରି ସେହି ଗ୍ରାମର ସୁନା ବେହେରା ମଧ୍ୟ ଆବାସ ଯୋଜନାରୁ ବଞ୍ଚିତ ଅଛନ୍ତି । ଏହି ଖବର ପାଇବା ପରେ ଦଣ୍ଡିରୀ ଗ୍ରାମପଞ୍ଚାୟତ ର ମା ଦଶଭୁଜା କ୍ଳବ୍ ର ସ୍ବେଚ୍ଛାସେବୀ ଗଣ ସୁବାସ ସାମଲ, ଚୈତନ୍ୟ ଦେହୁରୀ, ନବ ଅମାନ୍ତ, ବିଭୀଷଣ ଦେହୁରୀ , ବିଶୁ ଦେହୁରୀ ଓ ଗ୍ରାମପଂଚାୟତର ନାଏବ ସରପଞ୍ଚ ଯଶୋବନ୍ତ ସାମଲ ମଧ୍ୟ ଉପସ୍ଥିତ ରହି ଅସହାୟଙ୍କ ଦୁଃଖ ବୁଝିବା ସହିତ କିଛି ଶୁଖିଲା ଖାଦ୍ୟ ଏବଂ କିଛି ଆର୍ଥିକ ସାହାଯ୍ୟ କରିଥିଲେ I ସ୍ବେଚ୍ଛାସେବୀ ଙ୍କ ଗଣ ଙ୍କ ର ଏପରି ଉନ୍ନତମାନର ଚିନ୍ତାଧାରା କୁ ନେଇ ସାଧାରଣରେ ଏବଂ ବୁଦ୍ଧିଜୀବୀ ମହଲରେ ଭୂୟସୀ ପ୍ରଶଂସା କରାଯାଇଛି।
