ଢ଼େଙ୍କାନାଳ: ଢେଙ୍କାନାଳ ଥିଙ୍କର୍ସ ଫୋରମ ର ଆୟୋଜନ ରେ ଢେଙ୍କାନାଳର ପ୍ରସିଦ୍ଧ ଯାଉଁଳି ପୋଖରୀ ମଠ ର ପାରାୟଣ ମଣ୍ଡପ ରେ କବି ହରମୋହନ ଦାଶ ଙ୍କର ୯୫ତମ ଜୟନ୍ତୀ ଅନୁଷ୍ଠାନ ର ସମ୍ପାଦକ ପ୍ରକାଶ ଚନ୍ଦ୍ର ରାଉତ ଙ୍କ ଉପସ୍ଥାପନା ଏବଂ ସଭାପତି ସୋମେନ୍ଦୁ ଶତପଥୀ ଙ୍କ ପୌରୋହିତ୍ୟ ରେ ଅନୁଷ୍ଠିତ ହୋଇଯାଇଛି ।
ଉକ୍ତ ଜୟନ୍ତୀ ଉତ୍ସବ ରେ ମୁଖ୍ୟ ଅତିଥି ଭାବେ କବୟିତ୍ରୀ ନିର୍ମଳା ମହାପାତ୍ର, ମୁଖ୍ୟ ବକ୍ତା ଭାବେ ଚରୈବେତି ପ୍ରମୁଖ ସୁଶୀଳ କୁମାର ନନ୍ଦ, ସମ୍ମାନୀତ ଅତିଥି ଭାବେ ବିଶିଷ୍ଟ କବି ତଥା ଶିଳ୍ପୀ ପରେଶ ପଟ୍ଟନାୟକ, ଏବଂ ସ୍ବର୍ଗତ କବି ହରମୋହନ ଙ୍କ ପୁତୁରା ଗିରିଶ ପ୍ରସାଦ ଦାଶ ଏବଂ ପୁତ୍ର ପଦାରବିନ୍ଦ ଦାଶ ଉପସ୍ଥିତ ରହି ଉପସ୍ଥିତ ରହି କବିଙ୍କ କାବ୍ୟ କବିତା ଏବଂ ସାହିତ୍ୟିକ ଜୀବନଉପରେ ଆଲୋକ ପାତ କରିଥିଲେ ।
ପ୍ରାରମ୍ଭ ରେ ବରିଷ୍ଠ କବି ରବୀନ୍ଦ୍ର କୁମାର ସାହୁଙ୍କ ଅଧ୍ୟକ୍ଷତା ଏବଂ ବିବେକାନନ୍ଦ ଷଡ଼ଙ୍ଗୀ ଙ୍କ ସଂଯୋଜନା ରେ ପ୍ରାୟ 30ଜଣ କବି କବୟିତ୍ରୀ ସ୍ୱରଚିତ କବିତା ପାଠ କରିଥିଲେ ।
ପରିଶେଷରେ ଫୋରମ ର କୋଷାଧ୍ୟକ୍ଷ ବୈକୁଣ୍ଠ ନାଥ ଦ୍ବିବେଦୀ ଧନ୍ୟବାଦ ଦେଇଥିଲେ । ଉକ୍ତ କାର୍ଯ୍ୟକ୍ରମ କୁ ସଫଳ କରିବାପାଇଁ ସଦସ୍ୟ ବିନୋଦ ମଲ୍ଲିକ, ଅବିନାଶ ପଟ୍ଟନାୟକ, ବିଶ୍ୱଜିତ ବରାଳ, ବିଭୁ ଦ୍ବିବେଦୀ, ରାମଚନ୍ଦ୍ର ଦେବତା ସୁନିତା ପଟ୍ଟନାୟକ, ସସ୍ମିତା ରାଉତ ସହଯୋଗ କରିଥିଲେ ।