ଅବକାରୀ ବିଭାଗର ବିଭିନ୍ନ ସ୍ଥାନରେ ମିଳିତ ଚଢ଼ାଉ : ପିକଅପ ଭ୍ୟାନ ସହ ବିପୁଳ ପରିମାଣ ଚୋରା ଦେଶୀ ମଦ ଜବତ, ଦୁଇ ଗିରଫ !

ଢେଙ୍କାନାଳ : ପରଜଙ୍ଗ ଓ କାମାକ୍ଷା ନଗର ଅବକାରୀ ବିଭାଗ ର ବିଭିନ୍ନ ସ୍ଥାନରେ ପେଟ୍ରୋଲିଙ୍ଗ ବେଳେ ବଡ଼ ଧରଣର ସଫଳତା ମିଳିଛି ।

ବିଶେଷ ସୂତ୍ରରୁ ଖବର ପାଇ ବିଭିନ୍ନ ସ୍ଥାନରେ ଚଢ଼ାଉ କରି ଗୋଟିଏ ପିକଅପ ଭ୍ୟାନ ସହ ବିପୁଳ ପରିମାଣର ଦେଶୀ ଚୋରା ମଦ ଜବତ ଓ ଦୁଇ ଜଣକୁ ଗିରଫ କରିଛି ଅବକାରୀ ବିଭାଗ ।

ସୂଚନା ମୁତାବକ ଭୋର ସମୟ ରେ କାମାକ୍ଷା ନଗର ଓ ପରଜଙ୍ଗ ଅବକାରୀ ବିଭାଗ ର ମିଳିତ ପେଟ୍ରୋଲିଙ୍ଗ ବେଳେ, ଜାତୀୟ ରାଜପଥ ୫୩ ନଂ. ସିଆରିମାଳିଆ ଛକ ନିକଟରେ ଆମ୍ବପଳାସ ରୁ ମଦ ନେଇ ଆସୁଥିବା ଏକ ପିକଅପ ଭ୍ୟାନ କୁ ଅଟକାଇ ଥିଲେ। ଘଟଣା ସ୍ଥଳରୁ ଚାଳକ ଗାଡିଛାଡି ଫେରାର ହୋଇ ଯାଇଥିବା ବେଳେ ପିକଅପ ଭ୍ୟାନ ସହ ୩୨ ଟି ଜାରକିନରେ ୧୬୦୦ ଲିଟର ଚୋରା ଦେଶୀ ମଦ ଜବତ କରିଛନ୍ତି ।

ସେହିଭଳି କନ୍ତିଓ ପୁଟସାହି ଗ୍ରାମର ସଞ୍ଜୟ ବେହେରା ଙ୍କ ଘରୁ ୧୭ଲିଟର ଚୋରା ଦେଶୀ ମଦ ଜବତ କରିଥିବା ବେଳେ, କୋଟଗରା ଗ୍ରାମର ବାପି ନାଏକ ଙ୍କ ଘରୁ ୫୦ଲିଟର ଦେଶୀ ଚୋରା ଦେଶୀ ମଦ ଜବତ କରିଛି, ତେବେ ଉଭୟଙ୍କୁ ଗିରଫ କରି କୋର୍ଟ ଚାଲଣ କରାଯିବ ବୋଲି ଅବକାରୀ ବିଭାଗ ଅଧିକାରୀ ସୂଚନା ଦେଇଛନ୍ତି ।