ଢେଙ୍କାନାଳ ଜିଲ୍ଲାର ହିନ୍ଦୋଳ ନିର୍ବାଚନ ମଣ୍ଡଳୀ ଉପଖଣ୍ଡ ଷ୍ଟାଡିୟମ ଠାରେ ଉପଖଣ୍ଡ ସ୍ତରୀୟ କୃଷକ ମେଳା ଅନୁଷ୍ଠିତ ହୋଇଯାଇଛି l ଏହି କୃଷକ ମେଳାରେ ମୁଖ୍ୟ ଅତିଥି ଭାବରେ ଜିଲ୍ଲାପାଳ ସୋମେଶ ଉପାଧ୍ୟାୟ ଯୋଗଦେଇ ଉଦଘାଟନ କରିଥିବାବେଳେ ଆରକ୍ଷୀଅଧିକ୍ଷକ ଅଭିନଵ ସୋନାକାର, ବନବିଭାଗ ଡ଼ିଏଫଓ, ଉପଜିଲ୍ଲାପାଳ ଶିବାନନ୍ଦ ସ୍ୱାଇଁ, ଜିଲ୍ଲା କୃଷି ଅଧିକାରୀ ସୁବ୍ରତ ପାଢ଼ୀ, ଉପଖଣ୍ଡ ସ୍ତରୀୟ ଅଧିକାରୀ ମାନେ ଯୋଗଦେଇଥିଲେ l ଏହି କୃଷି ମେଳାରେ ଅତ୍ୟାଧୁନିକ ଯନ୍ତ୍ରପାତି ସହ ବିଭିନ୍ନ କୃଷି ଉପକରଣ, କୃଷିଜାତ ଦ୍ରବ୍ୟର ଷ୍ଟଲ ହୋଇଥିଲା ଏବଂ ସେଠାକୁ ଆସୁଥିବା ଜନସାଧାରଣ ମାନେ ଆଗ୍ରହ ସହକାରେ ସେସବୁ କିଣାକିଣି କରୁଥିବା ଦେଖାଯାଇଥିଲା l ତେବେ ନିମନ୍ତ୍ରିତ ଜନପ୍ରତିନିଧି ମାନେ ଯୋଗଦେଇ ନଥିବାରୁ ଉତ୍ସବ ଜନଗହଳି ନଥିବା ସହ କୃଷକ ମେଳାରେ ହାତଗଣତି କୃଷକ ଉପସ୍ଥିତ ରହିଥିଲେ l ଦୁଇତିନିଦିନ ଧରି ଚାଲିବାକୁ ଥିବା ଏହି ମେଳାରେ ଆଗକୁ ଆହୁରି କୃଷକ ଓ ଜନସମାଗମ ହେବ ବୋଲି ବିଭାଗୀୟ ଅଧିକାରୀ ପ୍ରକାଶ କରିଛନ୍ତି l ଏହି ଉଦଘାଟନି ଶିବିରରେ କୃଷି କ୍ଷେତ୍ରରେ ଉଲ୍ଲେଖନିୟ ସଫଳତା ହାସଲ କରିଥିବା ବିଭିନ୍ନ ବ୍ୟକ୍ତିବିଶେଷ ଓ ଅନୁଷ୍ଠାନ ମାନଙ୍କୁ ବିଭାଗ ପକ୍ଷରୁ ମୁଖ୍ୟ ଅତିଥିଙ୍କ ଦ୍ୱାରା ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା ।
