ଢ଼େଙ୍କାନାଳ : ଭୁବନ ଏନଏସି ଅନ୍ତର୍ଗତ ୧୫ ନମ୍ବର ୱାର୍ଡ ବଡହାଟ ଅଞ୍ଚଳର ଗୀତା ଦେବୀଙ୍କର ରାତି ୧୧ ଘଟିକା ସମୟରେ ପରଲୋକ ହୋଇଯାଇଛି ।
ମୃତ୍ୟୁ ବେଳକୁ ତାଙ୍କୁ ୭୮ ବର୍ଷ ହୋଇଥିଲା । ସେ ଗତ କିଛି ଦିନ ହେଲା ବାର୍ଦ୍ଧକ୍ୟ ଜନିତ ରୋଗରେ ପୀଡିତ ଥିଲେ । ଅନ୍ତିମ ଶଯ୍ୟା ନିକଟରେ ତାଙ୍କ ବୋହୁ ମିନା ଦେବୀ , ଦୁଇ ଝିଅ କିରଣ , କାନ୍ତା , ଜ୍ୱାଇଁ ସୁରେଶ , ଅଶୋକ ,ନାତି ନବୀନ , ପରବିନ୍ , ନାତୁଣି ପୂଜା ଓ ଆତ୍ମୀୟସ୍ୱଜନ ଉପସ୍ଥିତ ଥିଲେ । ଗୀତା ଦେବୀ ଙ୍କର ବିୟୋଗ ଖବର ଶୁଣି ଆଜି ସକାଳେ ବହୁ ମାନ୍ୟଗଣ୍ୟ ବ୍ୟକ୍ତି ତାଙ୍କ ଘରେ ପହଁଚି ଅନ୍ତିମ ଦର୍ଶନ କରିବା ସହିତ ଶ୍ରଦ୍ଧାଞ୍ଜଳି ଜଣାଇଥିଲେ ଓ ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଥିଲେ ।
ଦିବା ୧୨ ଘଟିକା ସମୟରେ ବୁଦ୍ଧେଶ୍ୱର ମନ୍ଦିର ନିକଟସ୍ଥ ଶ୍ମଶାନ ରେ ମାରୱାଡି ସମ୍ପ୍ରଦାୟର ରୀତିନୀତି ଅନୁଯାୟୀ ଅନ୍ତିମ ସଂସ୍କାର କରାଯାଇଥିଲା । ସ୍ୱର୍ଗତ ଏକାଧାରରେ ଜଣେ ଧର୍ମ ପରାୟଣା , ପରୋପକାରୀ , ଦୟାଳୁ, ମେଳାପି ଓ ସ୍ନେହୀ ମହିଳା ହୋଇଥିବାରୁ ସ୍ଥାନୀୟ ଅଞ୍ଚଳରେ ଗଭୀର ଶୋକ ପ୍ରକାଶ ପାଇଛି ।