ଢ଼େଙ୍କାନାଳ : ଡି ଜେ ସାଉଣ୍ଡ କୁ ନେଇ ସମଗ୍ର ଭୁବନବାସୀ ଅସ୍ତବ୍ୟସ୍ତ । ଗଣେଶ ପୂଜା ଭସାଣି ରୁ ଆରମ୍ଭ ହୋଇଥିବା ଡି ଜେ ସାଉଣ୍ଡ କାର୍ତିକେଶ୍ୱର ପୂଜା ଭସାଣିରେ ସମାପ୍ତି ହୋଇଛି ।
ଗତକାଲି ରାତି ଏକ ଅନୁଷ୍ଠାନ ତରଫରୁ କାର୍ତିକେଶ୍ୱର ପୂଜା ଭସାଣି ଉତ୍ସବରେ ଅଧିକା ସାଉଣ୍ଡ ଦେଇ ଡି ଜେ ବଜାଇବାକୁ ନେଇ ପ୍ରଥମେ ହୋ-ହାଲ୍ଲା ପରେ ଗଣ୍ଡଗୋଳ ହୋଇ ମୁଣ୍ଡ ଫଟାଫଟି ଘଟଣା ଘଟିଥିଲା । ଗୁରୁତର ଆହତ ହୋଇଥିବା ଦୁଇ ଜଣ ବ୍ୟକ୍ତି ଙ୍କୁ ପ୍ରଥମେ ଭୁବନ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା ।
ଏହି ଘଟଣାରେ ଭୁବନ ଥାନା ଭାରପ୍ରାପ୍ତ ଅଧିକାରୀ ସୌଭାଗ୍ୟ କୁମାର ସ୍ୱାଇଁ ଡି ଜେ ସାଉଣ୍ଡ ସିଷ୍ଟମ ( ଗାଡି) କୁ ଜବତ କରିବା ସହ କେଶ ନଂ -୪୬୨ /୨୦୨୨ ଆଇପିସି ଦଫା-୨୯୪ ,୩୨୩ ,୩୨୫ ,୩୦୭ ,୩୪ ରେ ମାମଲା ରୁଜ୍ଜୁ କରି ଡି ଜେ ମାଲିକ / ଅପରେଟର କଟକ ଜିଲ୍ଲା ବଡମ୍ବା ଥାନା ଝଜିଆ ଗ୍ରାମର ସ୍ୱର୍ଗତ ଗଣେଶ୍ୱର ବେହେରା ଙ୍କ ପୁଅ ସନ୍ତୋଷ କୁମାର ବେହେରା(୨୬) ଓ ଡ୍ରାଇଭର କଟକ ଜିଲ୍ଲା ବଡମ୍ବା ଥାନା ବନମାଳିପୁର ଗ୍ରାମର ନିତ୍ୟାନନ୍ଦ ବେଜ ଙ୍କ ପୁଅ ଚିନ୍ତାମଣି ବେଜ (୨୧) ଉଭୟଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ ।
କୋର୍ଟରେ ଜାମିନ ନାମଞ୍ଜୁର ହେବାରୁ ସେମାନଙ୍କୁ ଜେଲ କୁ ପଠାଇ ଦିଆଯାଇଥିବା ଜଣାପଡିଛି । ଏଥର ଡି ଜେ ଉପରେ କଡା କାର୍ଯ୍ୟାନୁଷ୍ଠାନ କରାଯିବ ବୋଲି ଆଇ ଆଇ ସି ଶ୍ରୀଯୁକ୍ତ ସ୍ୱାଇଁ ସୂଚନା ଦେଇଛନ୍ତି ।