ଢ଼େଙ୍କାନାଳ : ଭୁବନ ଅନୁଗୁଳ ସଂଯୁକ୍ତ କେନ୍ଦ୍ର ସମବାୟ ବ୍ୟାଙ୍କ ନିର୍ବାଚନ ସକାଶେ ୪ ଜଣ ନିର୍ଦ୍ଦେଶକ ବିନା ପ୍ରତିଦ୍ୱନ୍ଦିତାରେ ନିର୍ବାଚିତ ହୋଇଥିବା ଜଣାପଡିଛି ।
ଭୁବନ ବ୍ଲକ ଅନ୍ତର୍ଗତ ମଠକରଗୋଳା ର ପୂର୍ବତନ ସରପଞ୍ଚ , ନିର୍ଦ୍ଦେଶକ ତଥା ବିଶିଷ୍ଟ ସମାଜସେବୀ , ପରୋପକାରୀ ତଥା ସମବାୟ ବିତ୍ ଅଭିମନ୍ୟୁ ବେହେରା ଅନୁଗୁଳ ସଂଯୁକ୍ତ କେନ୍ଦ୍ର ସମବାୟ ବ୍ୟାଙ୍କ ର ୧୨ ନମ୍ବର ଭୁବନ ଜୋନ ନିର୍ଦ୍ଦେଶକ ଭାବେ ନିଦ୍ୱର୍ନ୍ଦରେ ନିର୍ବାଚିତ ହୋଇଥିବା ବେଳେ ୭ ନମ୍ବର ଜୋନରୁ ସନ୍ତୋଷ କୁମାର ପ୍ରଧାନ ,୪ ନମ୍ବର ଜୋନରୁ ସଂଯୁକ୍ତା ସାହୁ ଓ ୧୫ ନମ୍ବର ଜୋନରୁ କବିତା ସାହୁ ନିର୍ଦ୍ଦନ୍ଦରେ ନିର୍ବାଚିତ ହୋଇଥିବା ଜଣାପଡିଛି ।
ଉପରୋକ୍ତ ୪ ଜଣ ପ୍ରାର୍ଥୀ ଶାସକ ବିଜୁ ଜନତା ଦଳ ସମର୍ôଥତ ପ୍ରାର୍ଥୀ ହୋଇଥିବାରୁ ଶାସକ ଦଳ ପଲା ଭାରୀ ରହିଛି । ଢେଙ୍କାନାଳ ସଦର ବିଧାୟକ ସୁଧୀର କୁମାର ସାମଲ ,ପର୍ଜଙ୍ଗ ବିଧାୟକ ଡା.ନୃସିଂହ ଚରଣ ସାହୁ , ଅନୁଗୁଳ ବିଧାୟକ ତଥା ଉପ ବାଚସ୍ପତି ରଜନୀକାନ୍ତ ସିଂ ,ତାଳଚେର ବିଧାୟକ ବ୍ରଜ କିଶୋର ପ୍ରଧାନ ,ଛେଣ୍ଡିପଦା ବିଧାୟକ ସୁଶାନ୍ତ କୁମାର ବେହେରା ପ୍ରମୁଖ ଉପସ୍ଥିତ ସମସ୍ତଙ୍କୁ ପୁଷ୍ପଗୁଚ୍ଛ,ଉତରୀୟ ଦେଇ ସମ୍ବର୍ଦ୍ଧିତ କରିଥିଲେ ।
ଶ୍ରୀ ବେହେରା ତାଙ୍କର ବିଜୟ ପାଇଁ ଉପରୋକ୍ତ ନେତୃମଣ୍ଡଳୀ ଙ୍କ ସମେତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ , ସାଂସଦ ମହେଶ ସାହୁ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ଗଭୀର କୃତଜ୍ଞତା ଜ୍ଞାପନ କରିଛନ୍ତି ।