ଢ଼େଙ୍କାନାଳ : ଭୁବନ ବ୍ଲକ ପରିସରରେ ଡିଡିୟୁ – ଜେକେୱ୍ଇ ପକ୍ଷରୁ ନିଯୁକ୍ତି ମେଳା ଅନୁଷ୍ଠିତ ହୋଇଯାଇଅଛି I
ମୁଖ୍ୟଅତିଥି ଭାବେ ଯୋଗଦେଇ ବ୍ଲକ ଉପାଧ୍ୟକ୍ଷା ସିପ୍ରା ବରାଳ ଉଦଘାଟନ କରିଥିଲେ I କେନ୍ଦ୍ର ଓ ରାଜ୍ୟ ସରକାର ସହମତି ରେ ଦିନ ଦୟାଲ ଉପାଧ୍ୟାୟ ଗ୍ରାମୀଣ କୌଶଳ ଯୋଜନା ମାଧ୍ୟମରେ ଗ୍ରାମାଞ୍ଚଳର ବେକାର ଯୁବକ ଯୁବତୀ ମାନଙ୍କୁ ଉପଯୁକ୍ତ ଟ୍ରେନିଂ ଜରିଆରେ ଦକ୍ଷ ଓ କୌଶଳ କରି ରାଜ୍ଯ ଓ ରାଜ୍ଯ ବାହାରେ ନିଯୁକ୍ତି ଯୋଗାଇ ଦିଆଯାଉଛି I
ଏହି ଯୋଜନା ରେ ବ୍ଲକ୍ ଓ ଏନ.ଏ.ସି. ଅଞ୍ଚଳରୁ ପାଖାପାଖି ୧୮୧ ଜଣ ପଞ୍ଜୀକରଣ କରିଛନ୍ତି I ପଞ୍ଜୀକରଣ କରିଥିବା ପିଲାମାନଙ୍କୁ ଟ୍ରେନିଂ ଦେବା ପାଇଁ ତିନୋଟି ଠିକା ସଂସ୍ଥା ଭାଗ ନେଇଥିଲେ I ଏହି କାର୍ଯ୍ୟକ୍ରମ ରେ ବିଡିଓ କଲ୍ଯାଣ ସୌରଭ ଦାଶ, ବ୍ଲକ ପ୍ରୋଜେକ୍ଟ ମ୍ୟାନେଜର ବସନ୍ତ କୁମାର ଦାସ ଓ ଓଆରମାସ ର ଜିଲ୍ଲା କୋଷାଧ୍ୟକ୍ଷ ଦିନେଶ ନାୟକ ଓ ଅନ୍ୟ କର୍ମଚାରୀ ମାନେ ଉପସ୍ଥିତ ଥିଲେ l