ଢେଙ୍କାନାଳ : ପ୍ରଥମ ମହିଳା ମୁଖ୍ୟମନ୍ତ୍ରୀ, କବୟତ୍ରୀ, ସୁସାହିତ୍ୟିକା, ଲେଖିକା ଏବଂ ଓଡିଶାର ପ୍ରତ୍ୟେକ ଓଡିଆଙ୍କ ହୃଦୟରେ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ତଥା ଅପରାଜିତା ନାୟିକା ବହ୍ନି କନ୍ୟା ନନ୍ଦିନୀ ଶତପଥୀଙ୍କର ୧୬ତମ ଶ୍ରାଦ୍ଧବାର୍ଷିକୀ ଆମ ପ୍ରତିଭା ଆମ ସମ୍ମାନ ପକ୍ଷରୁ ସାଂସଦଙ୍କ ଆବାସିକ କାର୍ଯ୍ୟାଳୟ ଠାରେ ପାଳିତ ହୋଇଯାଇଅଛି ।
ଅନୁଷ୍ଠାନର କୋଷାଧ୍ୟକ୍ଷ ରୁଦ୍ରାନ୍ତ ଦଳେଇଙ୍କ ଦ୍ୱାରା ଆୟୋଜିତ ଏହି ଶ୍ରଦ୍ଧାଞ୍ଜଳି ସଭାରେ ସହରର ନନ୍ଦିନୀ ପ୍ରେମୀ ଏବଂ “ଆମ ପ୍ରତିଭା ଆମ ସମ୍ମାନ”ର କର୍ମକର୍ତାମାନେ ଏକତ୍ରିତ ହୋଇ ନନ୍ଦିନୀଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଦେଇ ଶ୍ରଦ୍ଧାସୁମନ ଅର୍ପଣ କରିଥିଲେ ।
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଆଲୋକ ରଥ, ନଜୁ ମହମ୍ମଦ, ଅକ୍ତର ମହମ୍ମଦ, ରାଜେନ୍ଦ୍ର ଦାସ, କୈଳାସ ଚନ୍ଦ୍ର ନାୟକ, ସନ୍ତୋଷ ଦଳେଇ, ଭାଗି ସାହୁ, ସୋମନାଥ ଭଟ୍ଟ, ଅଶୋକ ସାହୁ, ଅକ୍ଷୟ ମହାନ୍ତି, ପ୍ରତାପ ଦାସ, ରମେଶ ମାନ୍ସିଂ, ଅଶୋକ ବେହେରା, ବୁଲୁ ଜେନା, ଅନିଲ୍ ରାଉତ ପ୍ରମୁଖଙ୍କ ବ୍ୟତୀତ ଅନୁଷ୍ଠାନର ବହୁ କର୍ମକର୍ତା ଉପସ୍ଥିତ ଥିଲେ ।