ଢ଼େଙ୍କାନାଳ : ଭୁବନ ବିଜ୍ଞାପିତ ଅଞ୍ଚଳ ପରିଷଦ ଓ୍ବାର୍ଡ-୧ର ଧନେଶ୍ବର ନାୟକଙ୍କ ସ୍ତ୍ରୀ ସସ୍ମିତା ନାୟକ( ୩୦) ଙ୍କ ଅକାଳ ବିୟୋଗ ଘଟିଛି ।
ସେ ପରିବାରର ଲୁଗାପଟା ଓ୍ବାସିଂମେସିନରେ ସଫା କରୁଥିବା ସମୟରେ ଅସାଧାରଣ ବସତ ବିଦ୍ୟୁତ ସଂସ୍ପର୍ଶରେ ଆସି ତଳେ ପଡିଯାଇଥିଲେ । ପରିବାର ଲୋକେ ତାଙ୍କୁ ତୁରନ୍ତ ଭୁବନ ମେଡିକାଲରେ ଭର୍ତ୍ତୀ କରାଇଥିଲେ । ମେଡିକାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ଏ ସକ୍ରାନ୍ତରେ ଏକ ଅପମୃତ୍ୟୁ ମାମଲା ଭୁବନ ଥାନାରେ ରୁଜୁହୋଇଛି ।
ମେଡିକାଲରେ ଭୁବନ ପୋଲିସ ପହଞ୍ଚି ଶବକୁ ଜବତ କରିବା ସହ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିବେ ବୋଲି ପରିବାର ପକ୍ଷରୁ ସୂଚନା ମିଳିଛି । ତେବେ ସସ୍ମିତାଙ୍କର ଦେଢ ବର୍ଷ ହେବ ବିବାହ ହୋଇଥିଲା । ତେବେ ନବ ବଧୁର ମୃତ୍ୟୁ ପାଇଁ ଅଞ୍ଚଳରେ ଶୋକର ଛାୟା ଖେଳିଯାଇଛି ।