ଢେଙ୍କାନାଳ : ଭୁବନ ଥାନା ଅନ୍ତର୍ଗତ ସୁରପ୍ରତାପପୁର ଗ୍ରାମରେ
ବଜ୍ରପାତରେ ଜଣେ ମହିଳା ଗୁରୁତର ହୋଇ ଡାକ୍ତରଖାନା ରେ ଭର୍ତ୍ତୀ ହୋଇଛନ୍ତି ।
ସୂଚନା ମୁତାବକ ସଂଧ୍ୟା ୫ ଘଟିକା ସମୟରେ ଭୁବନ ଅଞ୍ଚଳରେ ଘଡଘଡି ସହିତ ବର୍ଷା ହୋଇଥିଲା । ତେବେ ସୁରପ୍ରତାପପୁର ଗ୍ରାମର ଦେବରାଜ ମହାନ୍ତିଙ୍କ ସ୍ତ୍ରୀ ଚାନ୍ଦ ମହାନ୍ତି( ୨୫ ) ଘରେ ଛିଡା ହୋଇଥିବା ସମୟରେ ବଜ୍ରପାତ ହୋଇଥିଲା ।
ତେବେ ବଜ୍ରପାତ ଆଘାତରେ ସେ ତଳେ ପଡିଯାଇଥିଲେ । ତେବେ ତାଙ୍କ ପରିବାର ଲୋକେ ଅଚେତ ଅବସ୍ଥାରେ ଭୁବନ ଡାକ୍ତରଖାନା ଭର୍ତ୍ତୀ କରାଇଥିଲେ । ଡାକ୍ତର ଆନନ୍ଦିତା ପରିଡା ଚିକିତ୍ସା କରୁଥିବା ବେଳେ ଚାନ୍ଦ ମହାନ୍ତିଙ୍କର ହୋଶ ଆସିନଥିବା ଖବର ମିଳିଛି ।