ଢେଙ୍କାନାଳ : କାମାକ୍ଷାନଗର ବ୍ଲକ୍ ସାରୁଆଳି ଗ୍ରାମପଞ୍ଚାୟତ ଅନ୍ତର୍ଗତ ମୋଟା ଗ୍ରାମରେ ମଧ୍ୟାହ୍ନରେ ଏକ ଜନସଂପର୍କ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ମୋଟା ଗ୍ରାମରେ ସାଂସଦ ମହେଶ ସାହୁ ପହଞ୍ଚବା ବେଳେ ପସ୍ଥିତ ଥିବା ଶତାଧିକ ମହିଳା ସାଂସଦ ମହେଶ ସାହୁଙ୍କୁ ହୁଳହୁଳି ଓ ହରିବୋଲ ଦେଇ ସଂକୀର୍ତନ କରି ସ୍ୱାଗତ କରିବା ସହିତ ଗ୍ରାମ ପରିକ୍ରମା କରାଇଥିଲେ । ପରେ ଗ୍ରାମର ଜଗନ୍ନାଥ ମନ୍ଦିର ପରିଚାଳନା କମିଟିର ସଭାପତି ଚନ୍ଦ୍ର ମହାରଣା, ବୟୋଜ୍ୟେଷ୍ଠ ବ୍ୟକ୍ତି ରମେଶ ପ୍ରଧାନ, ଶ୍ରୀନିବାସ ଖୁଣ୍ଟିଆ, ଯୁବ ଉଦ୍ୟୋଗୀ ତପନ ମହାରଣାଙ୍କ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମରେ ଢେଙ୍କାନାଳ ସାଂସଦ ଶ୍ରୀ ସାହୁ ଯୋଗଦେଇ ଗ୍ରାମବାସୀଙ୍କୁ ପ୍ରତ୍ୟେକ ସ୍ନେହ ସଦ୍ଦିଛା, ଭାଇଚାରା ଏବଂ ସଂପର୍କ ବନ୍ଧନରେ ବାନ୍ଧିହୋଇ ରହିବା ପାଇଁ ଆହ୍ୱାନ ଦେଇଥିଲେ ।
ସାଂସଦ ଶ୍ରୀ ସାହୁ ବାହୁଡା ଉପଲକ୍ଷେ ଗ୍ରାମର ଜଗନ୍ନାଥ ମନ୍ଦିରକୁ ଯାଇ ଚତୁର୍ଦ୍ଧାମୂର୍ତୀଙ୍କୁ ଦର୍ଶନ କରି ଆଶୀର୍ବାଦ ଭିକ୍ଷା କରିବା ସହିତ ପ୍ରସାଦସେବନ କରିଥିଲେ । ଅନ୍ୟମାନଙ୍କ ମଧ୍ୟରେ ପ୍ରିୟରଞ୍ଜନ ମାହୁଁନ୍ତ, ସଦାଶିବ ମହାପାତ୍ର, ଶ୍ୟାମସୁନ୍ଦର ସାହୁ, ଦୁଷ୍ମନ୍ତ ମହାନ୍ତି, ସୁମନ୍ତ ସ୍ୱାଇଁ ପ୍ରମୁଖ ଉପସ୍ଥିତ ଥିଲେ ।