ଢ଼େଙ୍କାନାଳ : ଭୁବନ ଏନ.ଏ.ସି.ରେ ଚଳିତ ପୌରନିର୍ବାଚନ ରେ ପ୍ରଥମ ଥର ଲାଗି ଆମ ଆଦମି ପାର୍ଟି ଅଂଶ ଗ୍ରହଣ କରିଛି ।
ଆପ୍ ପକ୍ଷରୁ ଅଧ୍ୟକ୍ଷ ପାର୍ଥି ଭାବେ ମହେଶ୍ବର ସାହୁ ନିର୍ବାଚନ ଲଢୁଥିବା ବେଳେ ଦୁଇ ନମ୍ବର କାଉନସିଲର ପାର୍ଥି ଅଶୋକ ସାହୁ କେଜରିୱାଲ ଙ୍କ ଦଳ ଆପ ପକ୍ଷରୁ ଝାଡୁ ଚିହ୍ନ ରେ ଲଢୁଛନ୍ତି । ତେବେ ତାଙ୍କର ନିଆରା ପ୍ରଚାର ଶୈଳୀ ଲୋକଙ୍କ ମନ ଜିତୁଛି । ପ୍ରଥମେ ମୋଟର ସାଇକେଲ ଯୋଗେ ନିଜେ ନିଜର ପ୍ରଚାର କରୁଥିବା ବେଳେ ଗତ ଦୁଇଦିନ ଧରି ଗୋଟିଏ ଝାଡୁ ଦ୍ବାରା ସୁସଜ୍ଜିତ ଶଗଡ ଗାଡି ସାହାଯ୍ଯ ରେ ପୌରାଧ୍ୟକ୍ଷ ପାର୍ଥି ମହେଶ୍ବର ସାହୁ ଶଗଡିଆ ସାଜିଥିବା ବେଳେ ଅଶୋକ ସାହୁ ଲୋକମାନଙ୍କୁ ସ୍ୱଛ୍ଛ ଶାସନ ର କଥା କହି ନିଜ ଦଳ ଲାଗି ସମର୍ଥନ ହାସଲ କରୁଥିବାର ଦେଖାଯାଇଛି ।
ତେବେ ତାଙ୍କର ପ୍ରଚାର ଶୈଳୀ ଲୋକମାନଙ୍କର ମନକୁ ଛୁଇଁଛି । ଗୋଟିଏ ପଟରେ ବ୍ୟୟବହୁଳ ରାଲି ଅନ୍ୟପଟେ ଶଗଡ ର ଗାଡିରେ ସ୍ୱଳ୍ପ ମୁଲ୍ୟର ପ୍ରଦୁଷଣ ବିହୀନ ପ୍ରଚାର କରିଛି ଆପ । ଭୁବନ ରେ ସେହିପରି ଅଟୋ, ଟେମ୍ପୋ, ଟାଟା ଏସି ଠୁ ଆରମ୍ଭ କରି ବହୁ ଦାମୀ ଗାଡିର ବ୍ୟବହାର ଦେଖିବାକୁ ମିଳିଛି ।