ଢେଙ୍କାନାଳ : ଅନୁଗୋଳ ଜିଲ୍ଲା ବାଘମୁଣ୍ଡା ସେକ୍ସନର ପୁରୁଣାକୋଟ ଠାରେ ଏକ ଅସୁସ୍ଥ ୬ବର୍ଷର ଅଣ୍ଡିରା ହାତୀକୁ ଉଦ୍ଧାର କରାଯାଇଥିଲା ।
ଚିକିତ୍ସା ପାଇଁ କପିଳାସସ୍ଥିତ ହସ୍ତୀ ଉଦ୍ଧାର କେନ୍ଦ୍ରକୁ ରାତିରେ ଅଣାଯାଇଥିଲା । ସେହିଦିନ ଠାରୁ ଗଁଦିଆର ପ୍ରାଣୀଚିକିତ୍ସକଙ୍କ ଦ୍ୱାରା ଚିକିତ୍ସା କରାଯାଉଥିଲା । ସେ ଖାଇବା ପିଇବା ମଧ୍ୟ ଛାଡ଼ି ଦେଇଥିଲା । ଅବସ୍ଥା ଗୁରୁତର ହେବାରୁ ତାକୁ ଔଷଧ, ଇଞ୍ଜେକସନ ସହ ସାଲାଇନ ଦିଆଯାଇଥିଲା ।
ହେଲେ ୩ତାରିଖ ସନ୍ଧ୍ୟାରେ ତାର ମୃତ୍ୟ ହୋଇଯାଇଥିଲା । ଖବରପାଇ ସାତକୋଶିଆ ଏସିଏଫ ଓ ଡାକ୍ତରୀଦଳ, ଗଁଦିଆ ପ୍ରାଣୀ ଚିକିତ୍ସକ, କପିଳାସ ରେଞ୍ଜର ତୁଷାରକାନ୍ତି ମହାନ୍ତିଙ୍କ ଉପସ୍ଥିତିରେ ଶବବ୍ୟବଚ୍ଛେଦ କରାଯାଇ ପୋତି ଦିଆଯାଇଛି ।