ଢେଙ୍କାନାଳ : ଓସ୍ତପାଳସ୍ଥିତ “ସ୍ତ୍ରୀଶକ୍ତି’ ଅନୁଷ୍ଠାନ ଆନୁକୂଲ୍ୟରେ ଅନୁଷ୍ଠାନର ସମ୍ମିଳନୀ କକ୍ଷରେ ଅନୁଷ୍ଠାନର ସମ୍ପାଦିକା ବନୀତା ସାମଲଙ୍କ ଅଧ୍ୟକ୍ଷତାରେ ଓଡିଶାର ବିଶିଷ୍ଟ ସର୍ବୋଦୟ ଗାନ୍ଧିବାଦୀ ନେତା ନାରାୟଣ ଦାସଙ୍କ ବିୟୋଗରେ ଶ୍ରାଦ୍ଧଦିବସରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି ।
ଉକ୍ତ ସଭାରେ ସ୍ତ୍ରୀଶକ୍ତି ଅନୁଷ୍ଟାନର ସଭ୍ୟାଙ୍କ ସମେତ ଅନୁଷ୍ଠାନ ସହ ସଂପୃକ୍ତ ଗାନ୍ଧୀପ୍ରେମୀ ବ୍ୟକ୍ତିବିଶେଷ ଯୋଗଦେଇଥିଲେ । ଗାନ୍ଧି ବିଚାରଧାରା ସହ ଜଡିତ ସମ୍ପାଦିକା ଙ୍କ ସମେତ ସର୍ବୋଦୟ ମଣ୍ଡଳୀର ସଭାପତି ପ୍ରଦୀପ କୁମାର ସାହୁ, ଉଫୁନାର ରାଜ୍ୟ ସଭାପତି ମନୋରଞ୍ଜନ ପଟ୍ଟନାୟକ, ସମାଜବାଦୀ ନେତା ତଥା ଗାନ୍ଧୀ ଅଧ୍ୟୟନ ଗେନ୍ଦ୍ରର ସରୋଜ ଶତପଥୀ, ସମାଜସେବୀ ବାମଦେବ ପରିଡା ଓ ରୁଦ୍ର ନାରାୟଣ ମିଶ୍ର, ଅମିର ରାଉତ ପ୍ରମୁଖ ଉକ୍ତ ଶ୍ରଦ୍ଧାଞ୍ଜଳି ସଭାରେ ଯୋଗଦେଇ ସ୍ୱର୍ଗତ ନାରାୟଣ ଦାସଙ୍କ ପ୍ରତି ଭକ୍ତିପୂତ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।