ଢେଢ଼େଙ୍କାନା : ଭୁବନ ଥାନା ଅନ୍ତର୍ଗତ ମହୁଲପାଳ ଗ୍ରାମର ଭଞ୍ଜ ସାହିରେ ଗ୍ୟାସ ଲିକ ହେତୁ ଭୟା ଭୟ ଅଗ୍ନିକାଣ୍ଡ ଘଟିଛି I
ସକାଳ ସମୟରେ ଭଞ୍ଜ ସାହିର ଶୁଲି ଭଞ୍ଜ ପରିବାର ସଦସ୍ୟଙ୍କ ଲାଗି ରୋଷେଇ ଘରେ ଖାଦ୍ଯ ପ୍ରସ୍ତୁତ ନିମନ୍ତେ ଗ୍ୟାସ ଚୁଲା ଲଗାଇଥିଲେ । ତେବେ ହଠାତ ଗ୍ୟାସ ସିଲିଣ୍ଡର ବହୁ ଯୋରରେ ଜଳିବାକୁ ଲାଗିଥିଲା । ଏହାଦେଖି ଶୁଲିଭଞ୍ଜ ଚିତ୍କାର କରି ପରିବାର ଲୋକଙ୍କୁ ଡାକ ପକାଇଥିଲେ । ପରିବାର ର ସଦସ୍ୟ ଡମ୍ବରୁଧର ଭଞ୍ଜ ସାହସର ସହିତ ଜଳୁଥିବା ଗ୍ୟାସ ସିଲିଣ୍ଡର ଓ ଚୁଲାକୁ ଆଣି ବାହାରେ ଥୋଇଥିଲେ ।
ସେଥିରେ ଓଦା ଅଖା, ବାଲି, କଦଳୀଗଛ ଆଦି ପକାଇ ହୁତୁହୁତୁ ହୋଇ ଜଳୁଥିବା ସିଲିଣ୍ଡର ର ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । ଏ ସମୟରେ ଘରପାଖ ଚାଳକୁ ନିଆଁ ବ୍ୟାପି ଯାଇ ଥିଲା । ଘଟଣା ସ୍ଥଳରେ ଅଗ୍ନିଶମ ବାହିନୀ ଓ ସାହିପଡିଶାର ସାହାଯ୍ଯ ରେ ନିଆଁ ଆୟତ କରିଥିଲେ I