ଢ଼େଙ୍କାନାଳ : ଭୁବନ ବ୍ଲକ ମୃଦଙ୍ଗା ଠାରେ ଓଡ଼ିଶା ଡ୍ରାଇଭର ମହାସଂଘ ର ମହାମିଳନ ସଭା ଅନୁଷ୍ଠିତ ହୋଇଯାଇଛି ।
ପ୍ରଥମେ ଏକତାଳି ଗ୍ରାମ ଠାରୁ ଜୟ ଜଗନ୍ନାଥ ଧ୍ୱନି ସହ ପାଞ୍ଚଶହ ରୁ ଉର୍ଦ୍ଧ ଡ୍ରାଇଭର ମହାସଂଘ ର ସଦସ୍ଯ ଏକ ବିଶାଳ ମୋଟର ସାଇକେଲ ରାଲି ଯୋଗେ ଯାତ୍ରା ଆରମ୍ଭ କରି ମହୁଲପାଳ ଗ୍ରାମ ଦେଇ ମୃଦଙ୍ଗା ଖେଳପଡିଆ ଠାରେ ଏକତ୍ରିତ ହୋଇଥିଲେ ।
ସେଠାରେ ମହାସଂଘ ର ସଭାପତି ପ୍ରଶାନ୍ତ ମୁଦୁଲି ସମ୍ପାଦକ ,ସହ ସମ୍ପାଦକ, କୋଷାଧ୍ୟକ୍ଷ, ଉପଦେଷ୍ଟା ସଂଘର ପ୍ରାଣକର୍ତା ଭାବେ ଜଣାଶୁଣା ପଞ୍ଚୁ ପାଣ୍ଡବଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏଥିସହିତ ଜିଲ୍ଲା ସଭାପତି ନରତ୍ତୋମ ବେହେରା ଏବଂ ଜିଲ୍ଲାର ବିଭିନ୍ନ ବ୍ଲକ ର ସଂଙ୍ଗଠନ ଦାୟିତ୍ବ ରେ ଥିବା ଡ୍ରାଇଭରମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ।
ଏହି ଅବସରରେ ରାଜ୍ଯ ସଭାପତି ପ୍ରଶାନ୍ତ ମୁଦୁଲି ରାଜ୍ୟର ଡ୍ରାଇଭର ମାନଙ୍କୁ ଟ୍ରାଫିକ ନିୟମ ପାଳନ, ନିଶାମୁକ୍ତ ଭାବେ ଗାଡିଚାଳନା ଏବଂ ଉତ୍ତମ ବ୍ୟବହାର ସହିତ ରାସ୍ତାରେ ଗାଡିଚଳାଚଳ ଓ ଡ୍ରାଇଭର ମାନଙ୍କ ମଧ୍ଯରେ ଭାଇଚାରା ବୃଦ୍ଧିକୁ ନେଇ ସଚେତନ କରିବା ନିମନ୍ତେ ସଂଘ କାର୍ଯ୍ଯ କରୁଥିବା ନେଇ ମତପ୍ରକାଶ କରିଥିଲେ ।