ଢେଙ୍କାନାଳ : ଥାନା ସୋରିଷିଆପଦା ନିକଟରେ ଅପରାହ୍ନରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି।
ଦୃତଗତିରେ ଆସୁଥିବା ଏକ କାର୍ ଧକ୍କାରେ ଗୋଟିଏ ବାଇକ୍
ଜଳୀଯାଇଛି। ଏଥିରେ ଦୁଇ ବାଇକ୍ ଆରୋହୀଙ୍କ ମୃତ୍ୟୁ ଘଟି ଥିବାବେଳେ ଜଣେ ଗୁରୁତର ହୋଇଛନ୍ତି। ମୃତକ ହେଲେ ଯାଜପୁର ଜିଲ୍ଲା ବଇରିଥାନା ଭାଲୁମରା ଗ୍ରାମର ଲକ୍ଷ୍ମଣ ଭଦ୍ରା, ସୋରିଷିଆପଦା ରଗଡ଼ିସାହ ଅଞ୍ଚଳର ସନ୍ତୋଷ ନାୟକ। ସୋରିଷିଆପଦା ଅଞ୍ଚଳର ଯୁବତୀ ତୁଳସୀ ହେମ୍ବ୍ରମ ଗୁରୁତର ହୋଇଛନ୍ତି।
ବାଇକ୍ଟି କଟକ ଜିଲ୍ଲା ଟାଙ୍ଗୀ ଆଡ଼କୁ ଯାଇଥିବାବେଳେ ଟାଙ୍ଗୀ ରୁ କପଳାସି ଆଡ଼କୁ ଆସୁଥିବା ଉକ୍ତ କାର୍ ଧକ୍କା ଦେଇଥଲା। ଗୁରୁତର ଅବସ୍ଥାରେ ସମସ୍ତଙ୍କୁ ପ୍ରଥମେ ଶ୍ରୀରାମଚନ୍ଦ୍ରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ଅବସ୍ଥା ସଙ୍କଟାପନ୍ନ ଥିବାରୁ ପରେ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରା ଯାଇଥିଲା। ସେଠାରେ ଦୁଇ ଯୁବକଙ୍କ ମୃତୁ୍ୟ ହୋଇ ଯାଇଥିଲା। ଦୁର୍ଘଟଣା ପରେ କାର୍ ଚାଳକ ଫେରାର ହୋଇ ଯାଇଛନ୍ତି। ଗଁଦିଆ ପୋଲିସ ଦୁର୍ଘଟଣା ଘଟାଇଥିବା କାର୍ କୁ ଜବତ କରିଛି। ମୃତଦେହ ବ୍ୟବଚ୍ଛେଦ ଲାଗିପଠାଇବା ସହ ତଦନ୍ତ ଆରମ୍ଭ କରିଛି।