ଢେଙ୍କାନାଳ : ଢେଙ୍କାନାଳ ବନଖଣ୍ଡ ଯୋରନ୍ଦା ନିକଟ ଆତିଣ୍ଡା ଗ୍ରାମରେ ଦନ୍ତାହାତୀ ଆକ୍ରମଣରେ ଗ୍ରାମର ଖଣ୍ଡିଆ ପ୍ରଧାନଙ୍କ ୨ ମଇଁଷି ଗୁରୁତର ଆହତ ହୋଇଛନ୍ତି ।
ହାତୀ ଆକ୍ରମଣ ଯୋଗୁ ଗୋଟିଏ ମଇଁଷିର ପୁଟା ବାହାରିଥିବା ଜଣାପଡିଛି । ମଇଁଷି ଗ୍ରାମ ନିକଟରେ ଗୋଠରେ ବନ୍ଧା ହୋଇଥିବା ବେଳେ ହାତୀ ଆକ୍ରମଣର ଶିକାର ହୋଇଛି । ଘଟଣା ସ୍ଥଳରେ ବନ ବିଭାଗ କର୍ମଚାରୀ ପହଁଚି ତଦନ୍ତ ଆରମ୍ଭ କରିଛନ୍ତି । ଗ୍ରାମ ନିକଟ ଜଙ୍ଗଲରେ ସବୁବେଳେ ହାତୀ ରହୁଛନ୍ତି । ସବୁବେଳେ ଅଞ୍ଚଳରେ କିଛି ନା କିଛି କ୍ଷୟକ୍ଷତି କରୁଛନ୍ତି । ସେଥିପାଇଁ ଅଂଚଳବାସୀଙ୍କ ମଧ୍ୟରେ ଅସନ୍ତୋଷ ଲାଗିରହିଛି । ବିଭାଗ ଏଥିପ୍ରତି ଦୃଷ୍ଟି ନଦେଲେ ଅଞ୍ଚଳବାସୀ ଆନ୍ଦୋଳନର ପନ୍ଥା ଗ୍ରହଣ କରିବେ ବୋଲି ଚେତାବନୀ ଦେଇଛନ୍ତି ।