ଜିଲ୍ଲାପାଳଙ୍କ କାର୍ଯ୍ୟାଳୟ ସ୍ଥିତ ସଦଭାବନ ଗୃହରେ ବିଶିଷ୍ଟ ଶିକ୍ଷକ ଲକ୍ଷ୍ମଣ ମିଶ୍ରଙ୍କ ସ୍ମୃତି ଚାରଣ ସଭା ପାଳିତ !

ଢେଙ୍କାନାଳ :ସ୍ଥାନୀୟ ଜିଲ୍ଲାପାଳଙ୍କ କାର୍ଯ୍ୟାଳୟ ସ୍ଥିତ ସଦଭାବନ ଗୃହରେ ଦିବଙ୍ଗତ ବିଶିଷ୍ଟ ଶିକ୍ଷକ ଲକ୍ଷ୍ମଣ ମିଶ୍ରଙ୍କ ଦ୍ୱାଦଶାହ ଉପଲକ୍ଷେ ଜିଲ୍ଲା ସଂସ୍କୃତି ପରିଷଦ ପକ୍ଷରୁ ସ୍ମୃତି ସଭା ଅନୁଷ୍ଠିତ ହୋଇଯାଇଛି ।

ଜିଲ୍ଲାପାଳ ତଥା ଜିଲ୍ଲା ସଂସ୍କୃତି ପରିଷଦର ସଭାପତି ସରୋଜ କୁମାର ସେଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସ୍ମୃତି ସଭାରେ ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ସ୍ୱର୍ଗତ ମିଶ୍ରଙ୍କ ସ୍ନୃତି ଚାରଣ କରିଥିଲେ । ସ୍ୱର୍ଗତ ମିଶ୍ର ଜଣେ ମିଷ୍ଟଭାଷୀ,କର୍ତବ୍ୟ ପରାୟଣ, ସମାଜ ସେବକ, ସାହିତ୍ୟିକ, ତପରୋପକାରୀ ତଥା ସର୍ବୋପରି ଜଣେ ଶିକ୍ଷକ ଭାବରେ ଜନ ଆଦୃତ ହୋଇପାରିଥିଲେ ।

ସେ ବହୁ ଗରିବ ମେଧାବୀ ଛାତ୍ରଛାତ୍ରୀଙ୍କୁ ନିଜ ଘରେ ରଖି ଶିକ୍ଷାଦାନ ଦେଇ ବଡ ମଣିଷ କରିବାରେ ଅନନ୍ୟ ଉଦାହରଣ ସୃଷ୍ଟି କରିଛନ୍ତି । ତାଙ୍କ ସାର୍ବଜନୀନ କୃତି ପାଇଁ ଜିଲ୍ଲା ପ୍ରଶାସନ ତଥା ଜିଲ୍ଲା ସଂସ୍କୃତି ପରିଷଦ ପକ୍ଷରୁ ତାଙ୍କୁ “କପିଳାସ ସମ୍ମାନ”ସମ୍ମାନିତ କରାଯାଇଥିଲା ।

ଏହି ଅବସରରେ ପ୍ରଦ୍ୟୁମ୍ନ ରଥ, ଶତ୍ରୁଘନ ମାଟି, ପରେଶ ପଟ୍ଟନାୟକ ତାଙ୍କର ସ୍ମୃତି ଚାରଣ କରିଥିଲେ ।ପରିଶେଷରେ ଜିଲ୍ଲା ସଂସ୍କୃତି ଅଧିକାରୀ ସୁଶ୍ରୀ ପ୍ରିୟମ୍ବଦା ବେହେରା ଧନ୍ୟବାଦ ଅର୍ପଣ କରିଥିଲେ ।