ଢେଙ୍କାନାଳ : ଭୁବନ ପ୍ରେସ୍ କ୍ଲବ୍ ତରଫରୁ ପ୍ରଥମ ଥର ପାଇଁ ଆୟୋଜିତ ହୋଇଛି ରଜ ମଉଜ ସିଜନ ୧ ।
ବିଷ୍ଣୁପ୍ରିୟା ଜୁଏଲାରୀ ଦ୍ଵାରା ପ୍ରୟୋଜିତ ଓ ଭୁବନ ପ୍ରେସ କ୍ଲବ ସହଯୋଗରେ ଭୁବନ ବ୍ଲକ ଚନ୍ଦାର ଗ୍ରାମରେ ଆୟୋଜିତ ହୋଇଛି ଏହି ନିଆରା କାର୍ଯ୍ୟକ୍ରମ ରଜ ମଉଜ ସିଜନ ୧ ପ୍ରତିଭା ଆମ ଗାଁ ର । ଏହି କାର୍ଯ୍ୟକ୍ରମରେ କୁମାରୀ ଝିଅ ମାନଙ୍କୁ ନେଇ ନାଚ, ସଙ୍ଗୀତ, ମୁରୁଜ, ପୁଚି ଖେଳ ପ୍ରଭୃତି ପ୍ରତିଯୋଗିତା ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମରେ ସତାଧିକ ପ୍ରତିଯୋଗୀ ଅଂଶ ଗ୍ରହଣ କରିଥିଲେ l
ଗାଁ ର ସହସ୍ରାଧିକ ଦର୍ଶକ ଏହି କାର୍ଯ୍ୟକ୍ରମକୁ ଉପଭୋଗ କରି ପ୍ରତିଯୋଗୀଙ୍କୁ ଉତ୍ସାହିତ କରିଥିଲେ l ଚଳଚ୍ଚିତ୍ର କଣ୍ଠଶିଳ୍ପୀ ଶାନ୍ତି ସ୍ଵରୂପ ସ୍ଵତନ୍ତ୍ର ନିମନ୍ତ୍ରିତ ଅତିଥି ଭାବେ ଯୋଗ ଦେଇ, ନିଜ ସୁମଧୁର ସଙ୍ଗୀତ ପରିବେଷଣ କରି ଶ୍ରୋତାଙ୍କୁ ମନମୁଗ୍ଧ କରିଥିଲେ l ପ୍ରେସ କ୍ଲବ ଅନୁବନ୍ଧିତ ସମସ୍ତ ସାମ୍ବାଦିକ ଏହି କାର୍ଯ୍ୟକ୍ରମ ପରିଚାଳନା କରିଥିଲେ l ସାମ୍ବାଦିକ ଦୁଷ୍ମନ୍ତ ମହାନ୍ତି ଓ ସୁଶ୍ରୀ ସ୍ମୃତି ରେଖା ମଞ୍ଚ ପରିଚାଳନା କରିଥିଲେ l
କାର୍ଯ୍ୟକ୍ରମ ଶେଷରେ ବିଷ୍ଣୁପ୍ରିୟା ଜୁଏଲାରୀର ସତ୍ଵାଧିକାରୀ ଶୁଭେନ୍ଦୁ ସାହୁ, ପୂର୍ବତନ ସମିତିସଭ୍ଯ ଅମୂଲ୍ୟ ଦ୍ଵିବେଦୀ, ଯାତ୍ରା ଜଗତର ଦୁର୍ଦାନ୍ତ ଖଳନାୟକ ଜ୍ଞାନ ରଞ୍ଜନ ସାହୁ ଅତିଥି ଭାବେ ଯୋଗଦେଇ କୃତି ପ୍ରତିଯୋଗୀମାନଙ୍କୁ ପୁରସ୍କାର ବିତରଣ କରିଥିଲେ l ଆଗାମୀ ଦିନରେ ଏହି କାର୍ଯ୍ୟକ୍ରମକୁ ଆହୁରି ସରସ ସୁନ୍ଦର ଭାବେ ଆୟୋଜନ କରାଯିବ ବୋଲି ବିଷ୍ଣୁପ୍ରିୟା ଜୁଏଲାରୀର ସତ୍ଵାଧିକାରୀ ନିଜ ଅଭିଭାଷଣରେ ପ୍ରକାଶ କରିଥିଲେ l