ବାଲେଶ୍ୱର ର ବିଶିଷ୍ଟ ସାହିତ୍ୟିକ କାଳୀ କିଙ୍କର ଦାସ ଙ୍କୁ ସୌଜନ୍ୟ ମୂଳକ ସାକ୍ଷାତ କଲେ ଢେଙ୍କାନାଳ ଥିଙ୍କର୍ସ ଫୋରମ ର ସଦସ୍ୟ ବୃନ୍ଦ !

ଢେଙ୍କାନାଳ : ସହର ସ୍ଥିତ ପି ଡବ୍ଲ୍ୟୁ ଡି କଲୋନୀ ଠାରେ ବାଲେଶ୍ୱର ର ବିଶିଷ୍ଟ ସାହିତ୍ୟିକ ତଥା ଡଃ ବ୍ରଜନାଥ ରଥ ଫାଉଣ୍ଡେସନ ଟ୍ରଷ୍ଟ ର ସଦସ୍ୟ କାଳୀ କିଙ୍କର ଦାସ ଙ୍କୁ ଢେଙ୍କାନାଳ ଥିଙ୍କର୍ସ ଫୋରମ ର ସଦସ୍ୟ ମାନେ ସୌଜନ୍ୟ ମୂଳକ ସାକ୍ଷାତ କରିବା ସହିତ ଭାବ ବିନିମୟ କରିଥିଲେ ।

ଓଡିଶା ର ବିଭିନ୍ନ ପତ୍ର ପତ୍ରିକା ରେ ନିୟମିତ କବିତା ଗଳ୍ପ ଉପନ୍ୟାସ ଲେଖୁଥିବା ଏବଂ ପ୍ରାୟ ୨୨ ଖଣ୍ଡ ପୁସ୍ତକ ର ରଚୟିତା ଶ୍ରୀ ଦାସ , ତାଙ୍କ ସହଧର୍ମିଣୀ ଏବଂ ପୁତ୍ରବଧୂ ଙ୍କ ସହିତ ଫୋରମ ର ସଦସ୍ୟ ମାନେ ଏକ ସାରସ୍ୱତ ସନ୍ଧ୍ୟା ଉତ୍ସବ ପାଳନ କରିବା ସମୟ ରେ ଶ୍ରୀଯୁକ୍ତ ଦାସ ଢେଙ୍କାନାଳ ର ଐତିହ୍ୟ ଏବଂ ଇତିହାସ ର ଭୁୟସୀ ପ୍ରଶଂସା କରିଥିଲେ ଏବଂ ଢେଙ୍କାନାଳ ଥିଙ୍କର୍ସ ଫୋରମ ର କାର୍ଯ୍ୟ ଶୈଳୀ ରେ ଖୁସି ବ୍ୟକ୍ତ କରି ଏହାର ସଦସ୍ୟତା ଗ୍ରହଣ ପାଇଁ ଆଗ୍ରହ ପ୍ରକାଶ
କରିଥିଲେ |

ଉକ୍ତ ସାକ୍ଷାତ କାର କାର୍ଯ୍ୟକ୍ରମ ରେ ଢେଙ୍କାନାଳ ଥିଙ୍କର୍ସ ଫୋରମ ର ସଭାପତି ସୋମେନ୍ଦୁ ଶତପଥୀ,ସମ୍ପାଦକ ପ୍ରକାଶ ଚନ୍ଦ୍ର ରାଉତ,ବରିଷ୍ଠ ସଦସ୍ୟ ଦେବୀ ପ୍ରସନ୍ନ ପାଣି,ସୁଶୀଲ କୁମାର ନନ୍ଦ,ଅବିନାଶ ପଟ୍ଟନାୟକ,ବିବେକାନନ୍ଦ ଷଡ଼ଙ୍ଗୀ,ରାମ ଚନ୍ଦ୍ର ଦେବତା ଏବଂ ପ୍ରସାର ପ୍ରମୁଖ ଭୋଜ ରାଜ ସାହୁ ଉପସ୍ଥିତ ଥିଲେ ।