ଢେଙ୍କାନାଳ : କାମାକ୍ଷାନଗର ବ୍ଳକ ଅଁଳାବେରେଣୀ ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ସ୍ୱଳ୍ପ ସଞ୍ଚୟ ଦିବସ ପାଳିତ ହୋଇଯାଇଅଛି ।
ଜିଲ୍ଲା ରେଡକ୍ରସ ଓ ସ୍ୱଳ୍ପ ସଞ୍ଚୟ ବିଭାଗ ଆୟୋଜିତ କାର୍ଯ୍ୟକ୍ରମରେ ଅଂଶ ଗ୍ରହଣକାରୀଙ୍କୁ ବିଭିନ୍ନ ଯୋଜନାରେ ସ୍ୱଳ୍ପ ସଂଚୟ କରି ଅଧିକ ଲାଭ ଉପରେ ଦିଗଦର୍ଶନ ଦିଆଯାଇଥିଲା । ଜିଲ୍ଲା ସ୍ୱଳ୍ପ ସଞ୍ଚୟ ଅଧିକାରୀ ପ୍ରଜ୍ଞାଶ୍ରୀ ପ୍ରିୟମ୍ବଦା ଭବିଷ୍ୟତରେ ଆବଶ୍ୟକତା ପୂରଣ କରିବା ସହିତ ଜୀବନକୁ ସୁଖମୟ କରିବା ଲକ୍ଷ୍ୟରେ ଲୋକମାନେ ସଞ୍ଚୟ ମନୋଭାବ ବୃଦ୍ଧି କରିବା ପାଇଁ ଆଲୋକପାତ କରିଥିଲେ । ସମସ୍ତେ କିଛି ନା କିଛି ସଞ୍ଚୟ କରିବାକୁ କହିଥିଲେ ।
ଅନ୍ୟମାନଙ୍କ ମଧ୍ୟରେ କାମାକ୍ଷାନଗର ଉପଖଣ୍ଡଡାକ ନିରୀକ୍ଷକ ପୁରୁଷୋତମ ନାୟକ ଓ ଅଁଳାବେରେଣୀ ସରପଞ୍ଚ ରାଜୀବ କୁମାର ନାଏକ ଯୋଗଦେଇ ସଞ୍ଚୟର ବିଭି୍ନ୍ନ ପ୍ରଣାଳୀ ଉପରେ କହିଥିଲେ । ଏହି କାର୍ଯ୍ୟକ୍ରମରେ ଡାକ କର୍ମଚାରୀ, ବିଦ୍ୟାଳୟ ଶିକ୍ଷକ, ଅଙ୍ଗନୱାଡି କର୍ମୀ, ସ୍ୱୟଂ ସହାୟକ ଗୋଷ୍ଠୀର ସଦସ୍ୟମାନେ ଅଂଶଗ୍ରହଣ କରିଥିଲେ ।