ଢେଙ୍କାନାଳ : ସହର ଖମାରସାହୀ ସ୍ଥିତ କେଶବ ଚନ୍ଦ୍ର ତ୍ରିପାଠୀ ଏବଂ ଦୀପ୍ତିମୟୀ ଶତପଥୀଙ୍କର ଏକମାତ୍ର କନ୍ୟା ଶତରୂପା ତ୍ରିପାଠୀ ଚଳିତ ବର୍ଷ ରାଜ୍ୟସ୍ତରୀୟ ରାଜୀବଗାନ୍ଧୀ ପ୍ରତିଭା ପୁରସ୍କାର ୨୦୨୨ରେ ସମ୍ମାନିତ ହୋଇଛନ୍ତି ।
ଚଳିତ ବର୍ଷ ଓଡିଶୀ ନୃତ୍ୟ ପାଇଁ ଏହି ସମ୍ମାନ ତାଙ୍କୁ ଭୁବନେଶ୍ୱର ଜୟଦେବ ଭବନଠାରେ ମିଳିଛି । ସେ ଢେଙ୍କାନାଳର ଦିବ୍ୟାଂଶୀ ଡ୍ୟାନ୍ସ ଏକାଡେମୀରେ ଗୁରୁ ଗୌରୀଶଙ୍କର ଦାଶଙ୍କ ପାଖରେ ଦୀର୍ଘ ୧୦ବର୍ଷ ହେଲା ନୃତ୍ୟଶିକ୍ଷା ଜାରି ରଖିଛନ୍ତି । ଓଡିଶୀ ସଙ୍ଗୀତ ନାଟକ ଏକାଡେମୀ ପକ୍ଷରୁ ଓଡିଶୀ ନୃତ୍ୟରେ ନୃତ୍ୟଭୂଷଣର ପ୍ରଥମସ୍ଥାନରେ ଉତିନ୍ନ ହୋଇଛନ୍ତି । ଓଡିଶା ତଥା ଭାରତବର୍ଷର ବିଭିନ୍ନ ମଞ୍ଚରେ ଓଡିଶୀ ନୃତ୍ୟ ପ୍ରଦର୍ଶନ କରି ଦେଶ ତଥା ଜିଲ୍ଲା ପାଇଁ ଗର୍ବ ଆଣିଛନ୍ତି ।