ଢେଙ୍କାନାଳ : ସଦର ବ୍ଲକ୍ ଅନ୍ତର୍ଗତ ସପ୍ତଶଯ୍ୟା ଗ୍ରାମପଞ୍ଚାୟତର ପଦ୍ମନାଭପୁର ଗ୍ରାମ ନିକଟରେ ଏକ ଗ୍ରାମୀଣ ଶିଳ୍ପଉଦ୍ୟାନକୁ ଢେଙ୍କାନାଳ ବିଧାୟକ ସୁଧିର କୁମାର ସାମଲ ମୁଖ୍ୟ ଅତିଥି ଭାବେ ଯୋଗଦାନ କରି ଉଦ୍ଘାଟନ କରିଛନ୍ତି । ଏତଦ୍ବ୍ୟତୀତ ବୃକ୍ଷ ରୋପଣ ମଧ୍ୟ କରିଥିଲେ । ଏଥିରେ ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ଜ୍ୟୋତି ରଞ୍ଜନ ସାହୁ,
ସଦର ବିଡିଓ ସୁଧିର କୁମାର ନାୟକ ପ୍ରମୁଖ ଯୋଗଦେଇଥିଲେ । କିଭଳି ମହିଳାମାନେ ସ୍ୱାବଲମ୍ବି ଏବଂ ରୋଜଗାର କରିପାରିବେ
ସେ ବିଷୟରେ ବିଧାୟକ ଶ୍ରୀ ସାମଲ ମତ ପ୍ରକାଶ କରିଥିଲେ । ଗ୍ରାମୀଣ ଶିଳ୍ପ ଉଦ୍ୟାନ ମାଧ୍ୟମରେ ମହିଳାମାନେ କିପରି ଆଗକୁ
ଯାଇପାରିବେ ସେ ବିଷୟରେ ଉପସ୍ଥିତ ଅତିଥିମାନେ ଆଲୋକପାତ କରିଥିଲେ । ଉକ୍ତ କାର୍ଯ୍ୟକ୍ରମରେ ସ୍ଥାନୀୟ ପୂର୍ବତନ ସରପଂଚ
ଏବଂ ଶଙ୍କରପୁର ସରପଞ୍ଚଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।
