ଢ଼େଙ୍କାନାଳ : ହିନ୍ଦୋଳ ଉପଖଣ୍ଡ ଗଣ୍ଡାନାଳୀ ପଂଚାୟତ ଅନ୍ତର୍ଗତ ଗଣ୍ଡାନାଳୀ ଗ୍ରାମରେ ଗ୍ରାମବାସୀ ଙ୍କ ସହଯୋଗରେ ଜନ୍ମାଷ୍ଟମୀ ଦିନ ରାଧାକୃଷ୍ଣ ମନ୍ଦିର ନିମନ୍ତେ ଭିତ୍ତି ପ୍ରସ୍ତର ସ୍ଥାପନ କରାଯାଇଛି। ପଞ୍ଚାନନ ବେହେରା,ଅଖିଳ ରାଉତ ଓ ପ୍ରସନ୍ନ ସାହୁ ପ୍ରମୁଖ କର୍ତ୍ତା ହୋଇଥିବା ବେଳେ ସନ୍ତୋଷ ଦାସ ଓ ହର ମୋହନ ପାଣିଗ୍ରାହୀ ପୂଜାର୍ଚ୍ଚନା କରିଥିଲେ । ଅନେକ ଦିନର ଆଶା ପୂରଣ ହେବାକୁ ଯାଉଥିବା ବେଳେ ଗ୍ରାମରେ ଖୁସିର ଲହରୀ ଖେଳିଯାଇଛି। ପୂଜାର୍ଚ୍ଚନା ସମୟରେ ପୁରୁଷ ଓ ମହିଳା ସଂକୀର୍ତ୍ତନ ମଣ୍ଡଳୀ ଆନନ୍ଦ ଉଲ୍ଲାସରେ ମାତି ଉଠିଥିଲେ।
