ଢେଙ୍କାନାଳ : ଜିଲ୍ଲା ସଭାପତି ସରୋଜ କୁମାର ପଟ୍ଟନାୟକ ଙ୍କ ସଭାପତିତ୍ୱରେ ଗାନ୍ଧୀ ମନ୍ଦିରସ୍ଥିତ ଜିଲ୍ଲା କାର୍ଯ୍ୟାଳୟ ପରିସରରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏଥିରେ ପ୍ରଦେଶ କଂଗ୍ରେସ ଉପ-ସଭାପତି ବିଶ୍ୱରଂଜନ ଦାସ, ସାଧାରଣ ସମ୍ପାଦିକା ଅମିତା ବିଶ୍ୱାଳ ଓ ମଞ୍ଜୁଶ୍ରୀ କଳ୍ପନା ରାଉତ ରାଏ ଉପସ୍ଥିତ ରହି ବ୍ଲକ୍ ରେ ଚାଲିଥିବା ପିସି କାରବାର,
ଅହେତୁକ ଦରଦାମ ବୃଦ୍ଧି, ବେ ରୋଜଗାରୀ, ବିଜୁଳି କାଟ ଓ ଟାଟା ପାୱାର ର ବିଦ୍ୟୁତ୍ ଉପଭୋକ୍ତା ଙ୍କୁ ଶୋଷଣ ଏବଂ ନାରୀ ନିର୍ଯ୍ୟାତନା ବିଷୟରେ ଆଲୋକପାତ କରି ରାଜ୍ୟରେ ବିଜେଡି ତଥା କେନ୍ଦ୍ର ରେ ବିଜେପି ସରକାର ବିରୁଦ୍ଧରେ ବିଷୋଦଗାର ଆଣିଥିଲେ । ଆଗାମୀ ୧୮ତାରିଖରେ ଓଡ଼ିଶାର ସମସ୍ତ ବ୍ଲକ୍ ରେ କଂଗ୍ରେସ ଘେରାଉ କରି ବିଡିଓଙ୍କ ଜରିଆରେ ରାଜ୍ୟପାଳଙ୍କୁ ସ୍ମାରକ ପତ୍ର ଦିଆଯିବ । ଉଭୟ ସରକାରଙ୍କ ବିଫଳତାକୁ ପଲ୍ଲୀ ଠାରୁ ପୁର ପର୍ଯ୍ୟନ୍ତ ସମସ୍ତଙ୍କ ଭୋଟର ଙ୍କ ନିକଟରେ ପହଁଚାଯିବ । ପରବର୍ତୀ ସମୟରେ ଏକ ପ୍ରସ୍ତୁତି ବୈଠକ କରାଯାଇ ଘେରାଉ କାର୍ଯ୍ୟକ୍ରମ ରେ କାର୍ଯ୍ୟକ୍ରମ କୁ ଜୋରଦାର କରାଯିବା ପାଇଁ ସମସ୍ତ କଂଗ୍ରେସ କର୍ମୀ ମାନଙ୍କୁ ଗୁରୁ ମନ୍ତ୍ର କରାଯାଇଥିଲା । ଏଥିରେ ଜିଲ୍ଲା କାର୍ଯ୍ୟକର୍ତା, ବ୍ଲକ୍ କଂଗ୍ରେସ ସଭାପତି, ମହିଳା କଂଗ୍ରେସ ସଭାନେତ୍ରୀ ଓ ଜିଲ୍ଲା ର ବରିଷ୍ଠ ନେତୃବୃନ୍ଦ ବସି ଆଗାମୀ ଦିନ ରେ ଏହି ଘେରାଉ କାର୍ଯ୍ୟକ୍ରମ କୁ ସଫଳ କରିବାପାଇଁ ସଂକଳ୍ପ ନେଇଥିଲେ । ଶେଷରେ ଜିଲ୍ଲା କଂଗ୍ରେସ ଉପ-ସଭାପତି ରଞ୍ଜିତ ସାହୁ ଧନ୍ୟବାଦ୍ ଦେଇ ସଭା ସାଙ୍ଗ କରିଥିଲେ ।
