ଢ଼େଙ୍କାନାଳ : ଓଡ଼ିଶା ପ୍ରଶାସନିକ ସେବା ପରୀକ୍ଷା ଫଳ ପ୍ରକାଶ ପାଇଥିବା ବେଳେ ହିନ୍ଦୋଳ ବ୍ଳକ୍ ଅନ୍ତର୍ଗତ ଗାଲପଡ଼ା ଗ୍ରାମର ତପସ୍ୱୀନୀ ନାଏକ ୨୮୫ ତମ ରେଙ୍କ ହାସଲ କରି ହିନ୍ଦୋଳ ପାଇଁ ଗୌରବ ଆଣିଛନ୍ତି। ସେ ଅବସରପ୍ରାପ୍ତ ପ୍ରଧାନଶିକ୍ଷକ ତଥା ଅତିରିକ୍ତ ସ୍କୁଲ ଶିକ୍ଷା ଅଧିକାରୀ ସ୍ୱର୍ଗତ ଭାଗିରଥୀ ନାଏକ ଙ୍କ କନ୍ୟା ଅଟନ୍ତି। ସଫଳତା ପାଇବା ପରେ ସେ ବହୁତ ଖୁସି ହେବା ସହ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା ର ସୁଅ ଛୁଟିଛି। ଏ ଖବର ପ୍ରଘଟ ହେବା ପରେ ସ୍ଥାନୀୟ ଅଞ୍ଚଳରେ ଖୁସିର ଲହରୀ ଖେଳିଯାଇଛି।
