ଢେଙ୍କାନାଳ : ଢେଙ୍କାନାଳ ଜିଲ୍ଲା କଂଗ୍ରେସ କମିଟି ତରଫରୁ ସଭାପତି ସରୋଜ ପଟ୍ଟନାୟକଙ୍କ ନେତୃତ୍ୱରେ ଏକ ସମ୍ବର୍ଦ୍ଧନା ସଭା ସ୍ଥାନୀୟ ଗାନ୍ଧୀ ମନ୍ଦିର ଠାରେ ଅନୁଷ୍ଠିତ ହୋଇଥିଲା । ପ୍ରାରମ୍ଭରେ ଜିଲ୍ଲା ସଭାପତି ନୂତନ ଭାବେ ନିର୍ବାଚିତ ହୋଇଥିବା ଯୁବ କଂଗ୍ରେସ ସଭାପତି ଶୁଭମ ଦାଶଙ୍କୁ ପୁଷ୍ପଗୁଛ ଓ ଉତରୀୟ ଦେଇ ସ୍ୱାଗତ କରିଥିଲେ । ପରବର୍ତୀ ସମୟରେ ଜିଲ୍ଲା ମୁଖପାତ୍ର ପ୍ରେମ ଶଙ୍କର, ପୂର୍ବତନ ମନ୍ତ୍ରୀ ନବୀନ ଚନ୍ଦ୍ର ନାରାୟଣ ଦାସ, ବରିଷ୍ଠ ନେତା ରବିନାରାୟନ ମହାନ୍ତି, ସୁଭାଷିନୀ ମୋହାଖୁଡ, ନିର୍ମଳ ମିଶ୍ର ପ୍ରମୁଖ ବକ୍ତବ୍ୟ ଦେଇ ଶୁଭମ ଦାସ ଆଗକୁ ଯୁବ କଂଗ୍ରେସ ସଂଗଠନ କି ଭଳି ଭାବରେ ମଜଭୁତ କରିବେ ସେଥି ନିମନ୍ତେ ମାର୍ଗ ଦର୍ଶନ ଦେଇ ତାଙ୍କର ଶୁଭ ମନାସୀ ଥିଲେ । ଉକ୍ତ ସଭାରେ ପୂର୍ବତନ ଜିଲ୍ଲା ସଭାପତି ସୁରେଶ ଚନ୍ଦ୍ର ପାଣିଗ୍ରାହୀ, ପିସିସି ସଭ୍ୟ ସୁବାଷ ପାଲ, ବିପ୍ରବର୍ ସାହୁ, ବ୍ଲକ ସଭାପତି ଛବିରାଜ୍ ବିଶ୍ୱାଳ, ସୁଶାନ୍ତ ଧଳ, ନଗେନ ବିନାୟକ, ବୁଲୁ ସାହୁ, କାମାକ୍ଷା ପ୍ରସାଦ ପଣ୍ଡା, ପିସିସି ସଦସ୍ୟା ଶିଳ୍ପୀଶ୍ରୀ ହରିଚନ୍ଦନ, ନିରାକାର ସାହୁ ଆଦି ବହୁ କଂଗ୍ରେସ କର୍ମୀ, ମହିଳା ଓ ଯୁବ ଯୋଗ ଦେଇଥିଲେ । ମହିଳା କଂଗ୍ରେସ ସଭାନେତ୍ରୀ ସ୍ମିତାରାଣୀ ସାମଲ ସମସ୍ତଙ୍କୁ ଧନ୍ୟବାଦ୍ ଦେଇ ଆଗାମୀ ଦିନରେ ସମସ୍ତଙ୍କୁ ସହଯୋଗ ଓ ସଂଗଠନ କୁ ମଜଭୁତ କରିବା ପାଇଁ ଆହ୍ୱାନ ଦେଇଥିଲେ ।
