ଢ଼େଙ୍କାନାଳ : ଭୁବନ ବ୍ଲକ ଅନ୍ତର୍ଗତ ମଠକରଗୋଳା ବସଷ୍ଟାଣ୍ଡ ନିକଟରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ରେ ଯୁବକ ଗୁରୁତର ହୋଇଛନ୍ତି l
ଦୁର୍ଘଟଣାରେ ଗୁରୁତର ଆହତ ହୋଇଥିବା ଯୁବକ ଜଣକ ହେଲେ ଅରଖପାଳ ଗ୍ରାମର ଆଲୋକ ମିଶ୍ର (୩୨) I ସକାଳେ ଆଲୋକ ମାଂସ ଧରି ବାଇକ ଯୋଗେ ନିଜ ଗ୍ରାମ ଅରଖପାଳକୁ ଫେରୁ ଥିବା ସମୟରେ ମଠକର ଗୋଳା ବସଷ୍ଟାଣ୍ଡ ନିକଟରେ ବିପରୀତ ଦିଗରୁ ଆସୁଥିବା ଏକ ଦ୍ରୁତଗାମୀ କାର ତାଙ୍କୁ ସମୁଖରୁ ଧକା ଦେଇଥିଲା l ଫଳରେ ଆଲୋକ ନିଜ ବାଇକରୁ ପ୍ରାୟ ଦଶ ମିଟର ଦୁରକୁ ଛିଟିକି ପଡ଼ିଥିଲେ l ଦୁର୍ଘଟଣା ଏତେ ତୀବ୍ରଥିଲା ଯେ କାର ଟି ସମ୍ପର୍ଣ୍ଣ ନଷ୍ଟ ହୋଇଯାଇଥିଲା l
ଆଲୋକଙ୍କ ମୁଣ୍ଡରେ ଗଭୀର ଆଘାତ ଲାଗିଥିବାବେଳେ ତାଙ୍କର ଆଣ୍ଠୁ ଏବଂ ଗୋଡ଼ ରେ ମଧ୍ୟ ଗଭୀର କ୍ଷତ ସୃଷ୍ଟି ହୋଇଛି l ଆଲୋକଙ୍କୁ ମୁର୍ମୁଷ ଅବସ୍ଥାରେ ପ୍ରଥମେ ମଠକରାଗଲା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଥିଲା ପରେ ସେଠାରୁ ତାଙ୍କୁ 108 ଆମ୍ବୁଲାନ୍ସ ଯୋଗେ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନନ୍ତର କରାଯାଇଛି I ଦୁର୍ଘଟଣା ର ଖବର ପାଇ କାମାକ୍ଷା ନଗର ପୋଲିସ ଘଟଣା ସ୍ଥଳରେ ପହଂଚି ଦୁର୍ଘଟଣା ଗ୍ରସ୍ତ ଗାଡି ଦୁଇଟିକୁ ଜବତ କରିବା ସହ ଏକ ମାମଲା ରୁଜୁ କରିଛି I