ଢେଙ୍କାନାଳ : ଜିଲ୍ଲା ଦେଇ ବେଧଡ଼କ ବେଆଇନ ଭାବେ ଗୋ-ଚାଲାଣ ହେଉଥିବା ବେଳେ ଗୋରୁ ବୋଝେଇ ପିକ୍ଅପ୍ ଭ୍ୟାନ୍ ଜବତ ସହ ଗୋରୁ ଉଦ୍ଧାର କରାଯାଇଛି। ଚାପିହୋଇ ଗୋଟିଏ ଗାଈର ମୃତ୍ଯୁବରଣ ଘଟିଛି ।
ସୂଚନା ମୁତାବକ ଜିଲ୍ଲା ବାହାରୁ ଢେଙ୍କାନାଳ ଦେଇ କଟକ ଜିଲା ତିଗିରିଆ ଅଞ୍ଚଳକୁ ଚାଲାଣ ହେଉଥିବା ଏକ ଗୋରୁ ବୋଝେଇ ପିକ୍ଅପ୍ ଭ୍ୟାନ୍କୁ ଢେଙ୍କାନାଳ-ଭାପୁର ରାସ୍ତାର କଙ୍କଡ଼ାହାଡ଼ଠାରେ ଗ୍ରାମବାସୀ ଅଟକାଇଥିଲେ। ଗାଡ଼ିକୁ ବାଟ କଢ଼ାଇ ନେଉଥିବା ଦୁଇଟି ସ୍କ୍ରପିଓରେ ୧୦ ବନ୍ଧୁକଧାରୀ ଗ୍ରାମବାସୀଙ୍କୁ ଭୟଭୀତ
କରାଇବାକୁ ଉଦ୍ୟମ କରିଥିଲେ। ତେବେ ସ୍ଥାନୀୟ ବରଜଙ୍ଗ କ୍ଲବର ସଦସ୍ୟ ଠିକ୍ ସମୟରେ ପହଞ୍ଚି ଅଭିଯୁକ୍ତଙ୍କୁ ଘେରିଯାଇଥିଲେ। ଧରାପଡ଼ିବା ଭୟରେ ବନ୍ଧୁକଧାରୀ ଏବଂ ପିକ୍ଅପ୍ ଭ୍ୟାନ୍ ଚାଳକ କୌଶଳକ୍ରମେ ଫେରାର ହୋଇଯାଇଥଲେ। ଯାଞ୍ଚ ବେଳେ
ଗାଡ଼ି ଭିତରେ ଗୋଟିଏ ଗାଈର ମୃତ୍ଯୁବରଣ ଘଟିଥିବା ବେଳେ ଅନ୍ୟ ଗୋରୁ ଉଦ୍ଧାର କରାଯାଇଥିଲା। ବଜରଙ୍ଗ କ୍ଲବର ସଦସ୍ୟମାନେ ଗୋରୁଙ୍କ ଚିକିତ୍ସା କରି ଗ୍ରାମବାସୀଙ୍କ ହେପାଜତରେ ଛାଡ଼ିଛନ୍ତି । ସଦର ଥାନା ପୋଲିସ ପହଞ୍ଚି ଘଟଣାର ତଦନ୍ତ ଚାଲିଥିବା ସଦର ଥାନାଧିକାରୀ ସୂଚନା ଦେଇଛନ୍ତି ।