ଢେଙ୍କାନାଳ : ଜିଲ୍ଲା କ୍ରୀଡା ସଂଘ ଆନୁକୂଲ୍ୟରେ ଆନ୍ତଃ ବିଦ୍ୟାଳୟ ଫୁଟ୍ବଲ୍ ଟୁର୍ଣ୍ଣାମେଣ୍ଟର ମ୍ୟାଚ୍ ବ୍ରଜନାଥ ବଡଜେନା ଉଚ୍ଚ ବିଦ୍ୟାଳୟ ଓ ସେଣ୍ଟ ଜାଭିୟର୍ସ ମଧ୍ୟରେ ଅନୁଷ୍ଠିତ ହୋଇଥିଲା ।
ବ୍ରଜନାଥ ବଡଜେନା ଉଚ୍ଚ ବିଦ୍ୟାଳୟ ୨-୦ ଗୋଲ୍ରେ ସେଂଟ୍ ଜାଭିୟର୍ସକୁ ପରାସ୍ତ କରିଥିଲା । ଖେଳ ଆରମ୍ଭରେ ମୁଖ୍ୟ ଅତିଥି ଭାବରେ ଜିଲ୍ଲା କ୍ରୀଡା ବିଭାଗର ପୂର୍ବତନ ଆସିଷ୍ଟାଣ୍ଡ ଡାଇରେକ୍ଟର ଗିରିଜାକାନ୍ତ ମହାନ୍ତି ଯୋଗଦେଇ ଖେଳାଳୀମାନଙ୍କ ସହିତ କରମର୍ଦ୍ଦନ କରିଥିଲେ ।
ସମ୍ମାନୀୟ ଅତିଥି ଭାବରେ କ୍ରୀଡାପ୍ରେମୀ ଜୟକୃଷ୍ଣ ପଟ୍ଟନାୟକ ଗୌରାଙ୍ଗ ଚରଣ ସେଠି, ଜ୍ୟୋତି ପ୍ରକାଶ ପରିଡା, ଦେବେନ୍ଦ୍ର ମୋହନ ପଟ୍ଟନାୟକ, ସଞ୍ଜୟ ଭଞ୍ଜ, ପ୍ରତାପ ମହାନ୍ତି, ଉମେଶ ଦାସ, ମନୋଜ ପଟ୍ଟନାୟକ, ଅଭିଜିତ୍ ମିଶ୍ର, ପ୍ରେମାନନ୍ଦ ବିହାରୀ ପ୍ରମୁଖ ଯୋଗଦେଇଥିଲେ । ଏହି ଖେଳ ପରିଚାଳନା କରିଥିଲେ ରେଫ୍ରି ସୁଶିଲ କୁମାର ପଣ୍ଡା, ଆସିଷ୍ଟାଣ୍ଡ ରେଫ୍ରି- ଅନିଲ ପ୍ରସାଦ ନନ୍ଦ, ସବ୍ୟ ପ୍ରକାଶ, ଚତୁର୍ଥ ରେଫ୍ରି ଭାବରେ ମହେନ୍ଦ୍ର କୁମାର ସାହୁ ଓ ମ୍ୟାଚ୍ କମିଶନର ମାୟାଧର ସାହୁ ଯୋଗଦେଇଥିଲେ ।
ଆସନ୍ତା କାଲିର ମ୍ୟାଚ୍ କେନ୍ଦ୍ରିୟ ବିଦ୍ୟାଳୟ ଓ ମଣ୍ଟ ଫର୍ଟ ବିଦ୍ୟାଳୟ ମଧ୍ୟରେ ଅନୁଷ୍ଠିତ ହେବ ବୋଲି ଜିଲ୍ଲା କ୍ରୀଡା ସଂଘର ସଂପାଦକ ନଳିନୀ କୁମାର ଦାସ ଜଣାଇଛନ୍ତି ।