ଢ଼େଙ୍କାନାଳ : ସଦର ଥାନା ଅଞ୍ଚଳରେ ବନ୍ଧୁକ ବିକ୍ରି ପାଇଁ ଯୋଜନା ଚାଲିଥିବାବେଳେ ସଦର ଥାନା ପୋଲିସ ସହାୟତାରେ ଏସ୍ଟିଏଫ୍ଟିମ୍ ଚଢ଼ାଉକରି ଏହାକୁ ପଣ୍ଡ କରିଛି। ଏଭଳି କାରବାରରେ ସମ୍ପୃକ୍ତି
ଅଭିଯୋଗରେ ସ୍ଥାନୀୟ ରୋହିତ ନାୟକ ନାମକ ଜଣେ ଯୁବକଙ୍କୁ ଗିରଫ କରାଯାଇଛି।
ତାଙ୍କ ନିକଟରୁ ୫ ପିସ୍ତଲ, ୬ ଅଫୁଟା ଗୁଳିଓ ଗୋଟିଏ ମୋବାଇଲ ଜବତ କରାଯାଇଛି। ରୋହିତ ଜଣେ ବ୍ୟକ୍ତିଙ୍କୁ ପିସ୍ତଲ ବିକ୍ରି କରିବା
ନିମନ୍ତେ ଯୋଗାଯୋଗ କରିଥିଲେ। ତାଙ୍କଠାରୁ କିଛି ଅଗ୍ରିମ
ଟଙ୍କା ମଧ୍ୟନେଇଥିଲେ। ଚୁକ୍ତି ମୁତାବକ ବନ୍ଧୁକ ହସ୍ତାନ୍ତର କରିଥାନ୍ତେ । ଏଥପୂର୍ବରୁ କୌଣସି ସୂତ୍ରରୁ ସୂଚନା ପାଇ ଏସ୍ଟିଏଫ୍ଟିମ୍ ଚଢ଼ାଉ କରି ଛାଟିଆ ଏବଂ ଡେଙ୍ଗବୋରେଇ ଅଞ୍ଚଳରୁ ରୋହିତଙ୍କୁ କାବୁ କରିବାରେ
ସକ୍ଷମ ହୋଇଥିଲା।
ଏ ସଂକ୍ରାନ୍ତରେ ସଦର ଥାନାରେ କେସ୍ନଂ .୩୬୨/୨୨ରେ ଏକ ମାମଲା ରୁଜୁହୋଇଛି। ଘଟଣାରେ ଧରାପଡ଼ିଥିବା ଅଭିଯୁକ୍ତ ରୋହିତ କାହା ସହ ଯୋଗାଯୋଗରେ ଥିଲେ, ସେ ଏଭଳି ବନ୍ଧୁକ ପୂର୍ବରୁ ବିକ୍ରି କରିଛନ୍ତି କି ନାହିଁ ଏହାର ଚେର କୁଆଡ଼େ ଲମ୍ବିଛି ତାହାକୁ ନେଇ ଏସ୍ଟିଏଫ୍ ଖୋଳତାଡ଼ କରୁଛି। ମୋବାଇଲ କଲ୍ ରେକର୍ଡରୁ ଏ ସମ୍ପର୍କିତ ବହୁ ଗୁରୁତ୍ୱ ପୂର୍ଣ୍ଣ ତଥ୍ୟ ମିଳିବା ସମ୍ଭାବନା ରହିଥିବା ପୋଲିସ କହିଛି ।