ଢ଼େଙ୍କାନାଳ: ହିନ୍ଦୋଳ ଉପଖଣ୍ଡ ଖଜୁରିଆକଟାସ୍ଥିତ ହିନ୍ଦୋଳ ମହାବିଦ୍ୟାଳୟ ବାଣିଜ୍ୟ ବିଭାଗର ବାର୍ଷିକ ପାଠଚକ୍ର ମହାବିଦ୍ୟାଳୟ ସଭାଗୃହରେ ୮ ତାରିଖ ଦିନ ଅନୁଷ୍ଠିତ ହୋଇଛି । ବିଭାଗୀୟ ମୁଖ୍ୟ ସୁଶାନ୍ତ କୁମାର ଆଚାର୍ଯ୍ୟଙ୍କ ପୌରହିତ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ଭାରପ୍ରାପ୍ତ ଅଧ୍ୟକ୍ଷ ବିମଳ ପ୍ରଧାନ ମୁଖ୍ୟ ଅତିଥି ରୂପେ ଯୋଗଦେଇ ଅଧ୍ୟୟନରତ ଛାତ୍ରଛାତ୍ରୀ ମାନଙ୍କର ବୌଦ୍ଧିକ ବିକାଶ ନିମନ୍ତେ ପାଠଚକ୍ରର ଆବଶ୍ୟକତା ଉପରେ ମାର୍ଗଦର୍ଶନ ଦେଇଥିଲେ । ସମ୍ମାନୀତ ଅତିଥି ଭାବେ ଇଂରାଜୀ ବିଭାଗ ଅଧ୍ୟାପକ ତଥା ଆଇ କ୍ଯୁ ଏ ସି ର ସଂଯୋଜକ ଦିଲ୍ଲୀପ କୁମାର ଗଡ଼ନାୟକ ଯୋଗଦେଇ ଛାତ୍ରଛାତ୍ରୀଙ୍କ ଉତ୍ତମ ଚରିତ୍ର ଗଠନ ଦିଗରେ ପରାମର୍ଶ ଦେଇଥିଲେ । ବିଷୟ ବିଶେଷଜ୍ଞ ରୂପେ ତାଳଚେର ସ୍ୱୟଂଶାସିତ ମହାବିଦ୍ୟାଳୟର ବାଣିଜ୍ୟ ବିଭାଗର ମୁଖ୍ୟ ଯୁଗଳ ସାହୁ ପ୍ରସଙ୍ଗରେ ବିଷଦ ରୂପେ ଆଲୋଚନା କରିଥିଲେ । ବିଭାଗର ଶେଷ ବର୍ଷ ଛାତ୍ରୀ ସଂଘମିତ୍ରା ମହାନ୍ତି ପାଠଚକ୍ରରେ ସନ୍ଦର୍ଭ ପାଠ କରିଥିଲେ । ପରିଶେଷରେ ବିଭାଗର ଅନ୍ୟତମ ଅଧ୍ୟାପକ ସୁକ୍ତପ୍ରିୟ ମିଶ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
