ଢେଙ୍କନାଳ : ଭୁବନ ବ୍ଲକ ଅନ୍ତର୍ଗତ ମାର୍ଥାପୁର ପଞ୍ଚାୟତ ର ଅଁଳାପାଳ ଠାରୁ ଜିରାଳ , ଏବଂ ଜିରାଳ ରୁ ସାନ୍ତାରI ପୂର – ଭଇରପୁର ୭.୨୦୦ କିମି ରାସ୍ତା ନିର୍ମାଣ ସକାଶେ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ ଭୂମି ପୂଜନ କରିଛନ୍ତି I ୭ କିମି ୨00 ମିଟର ଗ୍ରାମ୍ୟ ଉନ୍ନୟନ ରାସ୍ତା ପାଇଁ ନଅ କୋଟି ଟଙ୍କା ଟଙ୍କା ମଞ୍ଜୁର ହୋଇଛି I ଏହି ରାସ୍ତା ନିର୍ମାଣ ହେଲେ ମାର୍ଥାପୁର – ଜିରାଳ ପଶି ରାସ୍ତା ରେ ଗମନାଗମନ ସୁବିଧା ହୋଇପାରିବ I ଦିର୍ଘ ବର୍ଷ ହେବ ଏହି ରାସ୍ତାଟି ମରଣଯନ୍ତା ପାଲଟିଥିବା ବେଳେ ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିଲେ I ପୂର୍ତ୍ତ ବିଭାଗ ରାସ୍ତା ଅପେକ୍ଷା ଏହି ରାସ୍ତା ଦୂରତା କମ୍ ହୋଇଥିବାରୁ ଦୈନଦିନ ଏହି ରାସ୍ତାରେ ଲୋକମାନେ ନିର୍ଭର କରିଥାନ୍ତି I ଜିରାଳ ଏକ ବାଣିଜ୍ୟିକ ପେଣ୍ଠସ୍ଥଳୀ, ମହାବିଦ୍ୟଳୟ ଥିବାରୁ ଛାତ୍ର ଛାତ୍ରୀ ଓ ଜନସାଧାରଣ ମଧ୍ଯ ସୁବିଧାରେ ଯାତାୟାତ କରିପାରିବେ I ଦିର୍ଘ ବର୍ଷ ପରେ ଗ୍ରାମ୍ୟ ଉନ୍ନୟନ ବିଭାଗ ଏହି ରାସ୍ତାକୁ ହାତକୁ ନେଇ ନିର୍ମାଣ କରି ବାସ୍ତବ ରୂପ ନେଉଥିବା ବେଳେ ପଞ୍ଚାୟତ ବାସୀ ଖୁସି ଅନୁଭବ କରିଛନ୍ତି . I ଭୂମି ପୂଜନ କାର୍ଯ୍ୟକ୍ରମ ରେ ଆର୍ ଡି ଅଧିକ୍ଷଣ ଯନ୍ତ୍ରୀ ଇତିଶ୍ରୀ ସାହୁ, ନିର୍ବାହୀ ଯନ୍ତ୍ରୀ ଲକ୍ଷ୍ମୀଧର ସାହୁ, ଯନ୍ତୀ ଦିଲୀପ କୁମାର ସାହୁ ଓ ପୂର୍ବତନ ସରପଞ୍ଚ ଅଭିମନ୍ୟୁ ମିଶ୍ର , ଅରୁଣ ମିଶ୍ର, ଶ୍ରିବଛ ସାହୁ, ଗଣେଶ୍ଵର ଦାଶ, ଅମଲ ଦାଶ ଙ୍କ ସମେତ ବୁଦ୍ଧିଜୀବୀ ମାନେ ଯୋଗ ଦେଇଥିଲେ l
