ଢ଼େଙ୍କାନାଳ: ହିନ୍ଦୋଳ ଉପଖଣ୍ଡ ଗଣ୍ଡାନାଳୀ ପଞ୍ଚାୟତ ଅନ୍ତର୍ଗତ ଶ୍ରୀ ଜଗନ୍ନାଥ ବିଦ୍ୟାପୀଠ ଖରଚୁଲି ଗଣ୍ଡାନାଳୀ ଉଚ୍ଚବିଦ୍ୟାଳୟ ପରିସର ରେ ଏକ ଅବସରକାଳୀନ ସମ୍ବର୍ଦ୍ଧନା ଉତ୍ସବ ମଙ୍ଗଳବାର ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ଉଚ୍ଚବିଦ୍ୟାଳୟର ପ୍ରଧାନଶିକ୍ଷକ ପ୍ରମୋଦ କୁମାର ସ୍ବାଇଁ ପ୍ରଦୀପ ପ୍ରଜ୍ଜୋଳନ ପୂର୍ବକ କାର୍ଯ୍ୟକ୍ରମର ଶୁଭାରମ୍ଭ କରିବା ପରେ ଦିବଙ୍ଗତ ଶିକ୍ଷା କମିଟିର ସଦସ୍ୟମାନଙ୍କ ପାଇଁ ଏକ ମିନିଟ୍ ନିରବ ପ୍ରାର୍ଥନା କରାଯାଇଥିଲା। ତା ପରେ ଅତିଥି ମାନଙ୍କ ପରିଚୟ ପ୍ରଦାନ କରାଯିବା ସହ ତାଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା। ଏହି ସମ୍ବର୍ଦ୍ଧନା ଉତ୍ସବରେ ପ୍ରଧାନଶିକ୍ଷକ ପ୍ରମୋଦ କୁମାର ସ୍ବାଇଁ ଙ୍କ ଅଧ୍ୟକ୍ଷତାରେ ଉଚ୍ଚବିଦ୍ୟାଳୟର ଖେଳ ଶିକ୍ଷକ ଗୁଣନିଧି ଖଟୁଆ ଓ ହିନ୍ଦୀ ଶିକ୍ଷକ ବସନ୍ତ କୁମାର ସେନାପତି ଙ୍କୁ ବିଦାୟକାଳୀନ ସମ୍ବର୍ଦ୍ଧନା କରିବା ସହ ଉପହାର ଓ ଉପଢ଼ୌକନ ପ୍ରଦାନ କରାଯାଇଥିଲା। ଏହି ଉତ୍ସବ ରେ ମୁଖ୍ୟ ଅତିଥି ଭାବେ ଅନାଦି ଚରଣ ନାୟକ ନୋଡାଲ ଅଫିସର୍ ହିନ୍ଦୋଳ ଯୋଗଦେଇଥିବା ବେଳେ ଅନ୍ୟ ମାନଙ୍କ ମଧ୍ୟରେ ସମ୍ମାନିତ ଅତିଥି ପ୍ରାକ୍ତନ ପ୍ରଧାନଶିକ୍ଷକ ନବକୃଷ୍ଣ ଚୌଧୁରୀ, ସୁନିଲ୍ କୁମାର୍ ସ୍ୱାଇଁ ସରପଞ୍ଚ ଗଣ୍ଡାନାଳୀ ପଞ୍ଚାୟତ,ସଂପାଦକ ଦୟାନିଧି ରାଉତ, ଫକୀର ଚରଣ ସ୍ୱାଇଁ,ସମ୍ମାନିତ ଅତିଥି ସୁକାନ୍ତ କୁମାର ମାଝୀ ପ୍ରାକ୍ତନ ନୋଡାଲ ଅଫିସର୍ ହିନ୍ଦୋଳ, ବିଭୁତି ଭୂଷଣ ସାମଲ ସଂପାଦକ ଓସ୍ତା ଢ଼େଙ୍କାନାଳ , ପ୍ରଭାସ ଘଡେ଼ଇ, ସନ୍ତୋଷ ପାଣି ଗ୍ରାହୀ ସଭାପତି ଓସ୍ତା ଢେଙ୍କାନାଳ ଓ ତପନ କୁମାର ସାମଲ ଓସ୍ତା ସଂପାଦକ ହିନ୍ଦୋଳ ପ୍ରମୁଖ ଯୋଗଦେଇଥିଲେ।
