ଢେଙ୍କାନାଳ : ଢେଙ୍କାନାଳର ଝିଅ ତଥା ଢେଙ୍କାନାଳ ସ୍ୱୟଂ ଶାସିତ ମହାବିଦ୍ୟାଳୟର ଛାତ୍ରୀ ଏନ୍. ଶୁଭଲକ୍ଷ୍ମୀ ରାଜ୍ୟସ୍ତରୀୟ ରାଜୀବ ଗାନ୍ଧୀ ପ୍ରତିଭା ପୁରସ୍କାର – ୨୦୨୩ରେ ସମ୍ମାନିତ ହୋଇଛନ୍ତି । ଭୁବନେଶ୍ୱରସ୍ଥିତ ଜୟଦେବ ଭବନ ଠାରେ ଓଡିଶା ରାଜୀବଗାନ୍ଧୀ ଷ୍ଟୁଡେଂଟ୍ସ୍ ଫୋରମ୍ ପକ୍ଷରୁ ଭାରତର ପୂର୍ବତନ ପ୍ରଧାନମନ୍ତ୍ରୀ ତଥା ଭାରତରତ୍ନ ରାଜୀବ ଗାନ୍ଧୀଙ୍କ ୩୨ତମ ଜୟନ୍ତୀ ଅବସରରେ ଆୟୋଜିତ କାର୍ଯ୍ୟକ୍ରମରେ ଶୁଭଲକ୍ଷ୍ମୀଙ୍କୁ ଏହି ପୁରସ୍କାର ପ୍ରଦାନ କରାଯାଇଛି । ଢେଙ୍କାନାଳର ଦେବାଂଶୀ ଡ୍ୟାନ୍ସ ଏକାଡେମୀର ଛାତ୍ରୀ ଶୁଭଲକ୍ଷ୍ମୀ ଗୁରୁ ଗୌରୀଶଙ୍କର ଦାଶଙ୍କ ଠାରୁ ଓଡିଶୀ ଡ୍ୟାନ୍ସ ଶିକ୍ଷାଲାଭ କରୁଛନ୍ତି । ତାଙ୍କର ଏହି ସଫଳତାରେ ପିତାମାତାଙ୍କ ସହିତ ଏକାଡେମୀର ଛାତ୍ରଛାତ୍ରୀଙ୍କ ମହଲରେ ଖୁସିର ଲହରି ଖେଳିଯାଇଛି ।
