ଢେଙ୍କାନାଳ : ଉଫୁନା ଓ ସ୍କାଏନେଟ୍ କମ୍ପ୍ୟୁଟର ଅନୁଷ୍ଠାନର ମିଳିତ ଆନୁକୂଲ୍ୟରେ କୁଞ୍ଜକାନ୍ତ ଠାରେ ୭୬ତମ ସ୍ୱାଧୀନତା ଦିବସ ପାଳିତ ହୋଇଯାଇଅଛି ।
ଉଫୁନା ରାଜ୍ୟ ଅଧ୍ୟକ୍ଷ ଆଇନ୍ଜୀବୀ ମନୋରଞ୍ଜନ ପଟ୍ଟନାୟକ ମୁଖ୍ୟ ଅତିଥି ଓ ସମ୍ମାନିତ ଅତିଥ ପୂର୍ବତନ ସାମରିକ ଅଧିକାରୀ ଅଖିଳ ବିହାରୀ ମହାପାତ୍ର ଯୋଗଦେଇ ଜାତୀୟ ପତାକା ଉତୋଳନ କରିଥିଲେ । ୭୬ତମ ସ୍ୱାଧୀନତା ଦିବସ ବର୍ଷ ପୂର୍ତି ଓ ଅମୃତ ମହୋତ୍ସବ ଅବସରରେ ସ୍କାଏନେଟ୍ ନିର୍ଦ୍ଦେଶକ ଇଂ ଅବିନାଶ ଦାସ ଛାତ୍ର ଓ ଛାତ୍ରୀମାନଙ୍କୁ ଶୁଭେଚ୍ଛା ବାର୍ତା ଜଣେଇଥିଲେ ।
ଅନୁଷ୍ଠାନର କୋଷାଧ୍ୟକ୍ଷ ରବୀନ୍ଦ୍ର ମଲ୍ଲିକ, ଡା. ବିଷ୍ଣୁଚରଣ ଦାସ, ସଂଯୋଜିକା ପ୍ରଜ୍ଞାସିନୀ ଡୁଙ୍ଗ ପ୍ରମୁଖ ଯୋଗ ଦେଇଥିଲେ । ଏହି ଅବସରରେ ଅନୁଷ୍ଠାନର ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ । ସ୍ୱାଧୀନତା ଦିବସରେ ଯୋଗ ଦେଇଥିବା ଛାତ୍ରଛାତ୍ରୀଙ୍କୁ ପାଠ୍ୟପୁସ୍ତକ ଉପକରଣ, ମାସ୍କ ଓ ସାନିଟାଇଜର ବଂଟନକରାଯାଇଥିଲା । ଅଧ୍ୟାପକ ବିଶ୍ୱଜିତ୍ ରଣା, ସୌମ୍ୟ ରଞ୍ଜନ ପରିଡା, ଇଂ ରାଜକାହ୍ନା ରଥ, ଇଂ ସତ୍ୟଜିତ୍ ପରିଡା, ଇଂ ସୌମେନ୍ ତ୍ରିପାଠୀ, ମନୋଜ କୁମାର ରଥ ପ୍ରମୁଖ ଉପସ୍ଥିତ ଥିଲେ ।