ବିଡ଼ିଓ ଙ୍କ ଅନୁପସ୍ଥିତ ସାଧାରଣରେ ନାପସନ୍ଦ କରାଯିବା ସହ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି
ଢ଼େଙ୍କାନାଳ : ସାରାଦେଶରେ ଆନନ୍ଦ ଉଲ୍ଲାସରେ ଓ ଧୂମାଧାମରେ ପାଳିତ ହୋଇଯାଇଛି ୭୬ତମ ସାଧାରଣତନ୍ତ୍ର ଦିବସ। ସେହି ପରିପେକ୍ଷୀରେ ଢେଙ୍କାନାଳ ଜିଲ୍ଲାର ହିନ୍ଦୋଳ ଉପଖଣ୍ଡ ସ୍ତରୀୟ ସାଧାରଣତନ୍ତ୍ର ଦିବସ ସ୍ଥାନୀୟ ମିନି ଷ୍ଟାଡିୟମରେ ଧୂମାଧାମରେ ପାଳିତ ହୋଇଯାଇଛି।ପ୍ରଶାସନ ପକ୍ଷରୁ ସକାଳ ୫ରେ ସହରରେ ରାମଧୁନ ହେବାସହ ୮. ୩୦ରେ ସହର ଉପଖଣ୍ଡରେ ଥିବା ମହାପୁରୁଷ ମାନଙ୍କ ପ୍ରତିମୂର୍ତ୍ତି ମାନଙ୍କରେ ମୁଖ୍ୟ ଅତିଥି ଭାବରେ ଯୋଗଦେଇଥିବା ହିନ୍ଦୋଳ ଉପଜିଲ୍ଲାପାଳ ଶ୍ରୀ ପ୍ରଭାସ ବେଉରା ଓ ଅନ୍ୟାନ୍ୟ ପ୍ରଶାସନିକ ଅଧିକାରୀ ଜନପ୍ରତିନିଧି ମାନେ ପୁଷ୍ପମାଲ୍ୟ ଅର୍ପଣ କରି ପୂଜାର୍ଚନା କରିଥିଲେ। ତତ୍ପରେ ୮. ୪୫ମିନିଟ ରେ ସ୍ଥାନୀୟ ମିନି ଷ୍ଟାଡିୟମ ଠାରେ ଅନୁଷ୍ଠିତ ସମ୍ମିଳିତ ପ୍ୟାରେଡ ରେ ମୁଖ୍ୟ ଅତିଥି ଅଭିବାଦନ ଗ୍ରହଣ କରି ନିଜ ଉଦବୋଧନରେ କହିଥିଲେ ତ୍ରିରଙ୍ଗା ତଳେ ସମସ୍ତେ ଏକଜୁଟ ରହି ଦେଶ ମାତୃକାର ସେବା ଓ ସୁରକ୍ଷା ପାଇଁ ଶପଥ ନେବା ଏବଂ ଆଧୁନିକ ଭାରତ ଗଠନରେ ସାଥ ଦେବା। ପ୍ୟାରେଡ ପରେ ଷ୍ଟାଡିୟମ ଠାରେ ଛାତ୍ରଛାତ୍ରୀ ମାନଙ୍କ ଦ୍ୱାରା ରଙ୍ଗlରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଏବଂ ପ୍ୟାରେଡରେ ୨୨ଟି ଦଳ ଭାଗ ନେଇଥିବା ବେଳେ ବିଭିନ୍ନ ପ୍ରତିଯୋଗିତାରେ କୃତି ପ୍ରତିଯୋଗୀ ଓ ବିଭିନ୍ନ କ୍ଷେତ୍ରରେ ସମାଜ ପାଇଁ ଅବଦାନ ଥିବା ବ୍ୟକ୍ତି ବିଶେଷଙ୍କୁ ଉପଜିଲ୍ଲାପାଳ ପୁରସ୍କୃତ କରିଥିଲେ।ସେହିପରି ଉପଖଣ୍ଡରେ ଥିବା ସମସ୍ତ ସରକାରୀ ଓ ବେସରକାରୀ କାର୍ଯ୍ୟାଳୟ ମାନଙ୍କରେ ଜାତୀୟ ପତାକା ଉତ୍ତୋଳନ ହୋଇଥିବା। ଉପଖଣ୍ଡ ସ୍ତରୀୟ ସାଧାରଣତନ୍ତ୍ର ଦିବସ ଉତ୍ସବରେ ହିନ୍ଦୋଳ ପ୍ରଶାସନର ସମସ୍ତ ପ୍ରଶାସନିକ ଅଧିକାରୀ, ଶିକ୍ଷକଶିକ୍ଷୟତ୍ରୀ, ଛାତ୍ରଛାତ୍ରୀ ଓ ଜନସାଧାରଣ ଯୋଗଦେଇ ଦେଶକୁ ସମ୍ନାନ ଜଣାଇଥିଲେ।ତେବେ ଏତେବଡ ଦେଶମାତୃକା ଉତ୍ସବ ପାଳିତ ହେଉଥିବାବେଳେ ଜଣେ ପ୍ରମୁଖ ଅଧିକାରୀ ତଥା ହିନ୍ଦୋଳ ବିଡ଼ିଓ ଙ୍କ ଅନୁପସ୍ଥିତକୁ ନେଇ ସାଧାରଣରେ ନାପସନ୍ଦ କରାଯିବା ସହ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ।