ଢେଙ୍କାନାଳ : ସହର ଉପକଣ୍ଠ ଗୁଣ୍ଡିଚାପଡ଼ା ଗ୍ରାମରେ ନାସିର ଅହମଦ ଅଲ୍ଲି ମେମୋରିଆଲ ଫୁଟବଲ ଟୁର୍ଣାମେଣ୍ଟ ଗ୍ରାମ ସଭାପତି ମିନକେତନ ସାହୁଙ୍କ ଶୁଭହସ୍ତେ ଉଦଘାଟିତ ହୋଇଯାଇଛି। ଏହି ଫୁଟବଲ ଟୁର୍ଣାମେଣ୍ଟରେ ୯ଟି ଦଳ ଭାଗ ନେଇଛନ୍ତି। ପ୍ରଥମ ଲିଗ୍ ମ୍ୟାଚ ଗୁଣ୍ଡିଚାପଡ଼ା ସାରଳା କ୍ଲବ ତଥା ଜୟ ଦୁର୍ଗା ଫୁଟବଲ ଆସୋସିଏସନ୍ ସାଇବିରି ମଧ୍ୟରେ ହୋଇଥିଲା। ୪-୨ ରେ ଗୁଣ୍ଡିଚାପଡ଼ା ସାରଳା କ୍ଲବ ବିଜୟୀ ହୋଇଛି। ମହେଶ୍ ପ୍ରଧାନ ଖେଳ ପରିଚାଳନା କରିଥିଲେ।
