ଢ଼େଙ୍କାନାଳ : ହିନ୍ଦୋଳ ସେକ୍ସନର ଇଞ୍ଚାର୍ଜ ଓ ଢେଙ୍କାନାଳ ଜିଲ୍ଲା ଜଙ୍ଗଲ ବିଭାଗର ସମର୍ପିତ ଜଙ୍ଗଲ ରକ୍ଷୀ ପ୍ରହ୍ଲାଦ ପ୍ରଧାନ ୨୩.୦୫.୨୫ ତାରିଖ ରାତିରେ ତାଙ୍କ ଦାୟିତ୍ୱ ପାଳନ କରୁଥିବାବେଳେ ଜୀବନ ହରାଇଛନ୍ତି। ତନ୍ତିଛିରା ଗାଁ, କାଇ ରିଜର୍ଭ ଫରେଷ୍ଟ ନିକଟରେ ଚାଲିଥିବା ନିୟମିତ ଗସ୍ତ ଓ ଅନ୍ତର୍ଭୁକ୍ତ ଶିକାର ବିରୋଧୀ ଅଭିଯାନ ସମୟରେ, ଶ୍ରୀ ପ୍ରଧାନ ଅସ୍ତ୍ରଧାରୀ ଶିକାରୀ ଦଳକୁ ଧରିବା ଚେଷ୍ଟା କରିବାକୁ ଯାଇ ଗୁରୁତର ଆହତ ହୋଇ ପରେ ଜୀବନ ହରାଇଥିଲେ। ସେ ଜୀବନ6ର ସଂକଟ ସମୟରେ ମଧ୍ୟ ନିଜ କର୍ତ୍ତବ୍ୟ ପ୍ରତି ଅତୁଟ ରହିଥିଲେ, ଏବଂ ଶିକାରୀମାନଙ୍କୁ ଧରିବାରେ ସଫଳ ହୋଇଥିଲେ। ଶ୍ରୀ ପ୍ରଧାନ ୧୬ ବର୍ଷ ଧରି ଜଙ୍ଗଲ ବିଭାଗରେ ଗରିମା ଓ ସମ୍ମାନ ସହିତ କାର୍ଯ୍ୟରତ ଥିଲେ। ସେ ଏହି ବର୍ଷ ୨୦୨୫ରେ ରାଜ୍ୟ ସ୍ତରୀୟ ଫରେଷ୍ଟ୍ରି ଅୱାର୍ଡରେ “ବେଷ୍ଟ ଫରେଷ୍ଟ ଗାର୍ଡ” ଭାବରେ ସମ୍ମାନିତ ହୋଇଥିଲେ। ସେ ପ୍ରାକୃତିକ ଧନର ରକ୍ଷାକାରୀ ଓ ଏକ ସ୍ୱାର୍ଥହୀନ ସେବକ ଭାବେ ସଦା ସ୍ମରଣୀୟ ରହିବେ।ସେ ତାଙ୍କ ପିତାମାତା, ପତ୍ନୀ ଓ ଏକ ୬ ବର୍ଷର କନ୍ୟାକୁ ଛାଡି ଯାଇଛନ୍ତି। ସହଯୋଗୀ ଅଧିକାରୀ ଶୋକାକୁଳ ପରିବାର ଙ୍କୁ ଗଭୀର ସାନ୍ତ୍ବନା ଓ ଶ୍ରଦ୍ଧାଞ୍ଜଳି ଜଣାଇବାସହ ବିଭାଗ ତାଙ୍କ ପରିବାରକୁ ସମସ୍ତ ସମ୍ଭବ ସହଯୋଗ ଦେବାକୁ ପ୍ରତିବଦ୍ଧ ଜଣାଇଛି ।
