ଢ଼େଙ୍କାନାଳ : ଭୁବନ ବ୍ଲକ ଅନ୍ତର୍ଗତ ମାର୍ଥାପୁର ସମବାୟ ସମିତି ରେ ଚଳିତ ବର୍ଷ ଧାନ ମଣ୍ଡି ଉଦଘାଟନ ହୋଇଯାଇଛି I ମୁଖ୍ୟଅତିଥି ଭାବେ ତହସିଲଦାର ସିରିୟଲ୍ ଶୁଭ୍ର ପଟେଲ୍, କାମାକ୍ଷନଗର ଏ ଆର୍ ସି ଏସ ଶରତ ଚନ୍ଦ୍ର ପାଣିଗ୍ରାହୀ, ଅଭିମନ୍ୟୁ ମିଶ୍ର, ପଞ୍ଚାୟତ ପିଇଓ ପ୍ରୀତୀଶ ମହାରଣା, ଶ୍ରୀବତ୍ସ ସାହୁ ଯୋଗଦେଇ ଚାଷୀ ମାନଙ୍କ ଉପସ୍ଥିତିରେ ଉଦଘାଟନ କରିଥିଲେ I ଚଳିତବର୍ଷ ସମବାୟ ସମିତି ରେ ୫୧୭ ଜଣ ଚାଷୀ ପଞ୍ଜୀକରଣ କରିଥିବା ବେଳେ ୨୦ ହଜାର କ୍ୱିଣ୍ଟାଲ ଧାନ କିଣିବା ପାଇଁ ଲକ୍ଷ୍ୟ ରଖାଯାଇଛି I ଆଜି ପ୍ରଥମ ଦିନରେ ଛଅ ଜଣ ଚାଷୀ ଙ୍କ ଠାରୁ ୨୦୦ କ୍ୱିଣ୍ଟାଲ ଧାନ କିଣାଯାଇଛି I ମାର୍ଥାପୁର ସମବାୟ ସମିତି ରୁ ଧାନ କିଣିବା ପାଇଁ ତ୍ରିଶକ୍ତି ଆଗ୍ରୋ ମିଲର ଦାୟିତ୍ଵ ନେଇଥିବା ବେଳେ ଚଳିତ ବର୍ଷ ସୁରୁଖୁରୁରେ ମଣ୍ଡି ପରିଚାଳନା ରେ ଗୁରୁତ୍ଵ ଦିଆଯିବ ସହ କଟିନି ଛଟିନି ନହୋଇ ଚାଷୀ କିପରି ଧାନ ଦେଇପାରିବେ ନେଇ ସମିତି ସମ୍ପାଦକ ରାକେଶ କୁମାର ମିଶ୍ର ସୂଚନା ଦେଇଛନ୍ତି I
