ଢେଙ୍କାନାଳ ଜିଲ୍ଲା ପର୍ଜଙ୍ଗ ବ୍ଲକ ମୁକ୍ତାପଶି ଗ୍ରାମ ପଞ୍ଚାୟତ ଠାରେ ଜେ ଫାର୍ମ ତରଫରୁ ଏକ କୃଷକ ସମ୍ମିଳନୀ ଅନୁଷ୍ଠିତ ହୋଇଥିଲା । ଉକ୍ତ ସମ୍ମିଳନୀ ରେ ଜେ ଫାର୍ମର ଏରିଆ ମ୍ୟାନେଜର ଆଦିତ୍ୟ ସ୍ବରୂପ, ଟେରଟୋରି ମ୍ୟାନେଜର ସରୋଜ ସାହୁ, ଫିଲ୍ଡ ଇଞ୍ଜିନିଅର ବିରେନ୍ଦ୍ର ମହାପାତ୍ର, ମୁକ୍ତାପଶୀ ଗ୍ରାମ ପଞ୍ଚାୟତ କୃଷକ ପରିଚାଳନା ସଭାପତି ଟିକିନା ସାହୁ ପ୍ରମୁଖ ଅତିଥି ଭାବେ ଯୋଗଦାନ କରିଥିଲେ। ଏହି କାର୍ଯ୍ୟକ୍ରମରେ ପ୍ରଥମେ ବୃକ୍ଷ ରୋପଣ ପରେ କୃଷକ ମାନଙ୍କ ସହ କୃଷକ ଦିବସ ଉପଲକ୍ଷେ କେକ କଟାଯାଇ ଉତ୍ସବ ବନାଇଥିଲେ । ତାପରେ କୃଷକ ମାନଙ୍କୁ ଏକ ପ୍ରଶିକ୍ଷଣ ଦେଇଥିଲେ କିପରି ଭାବେ ଉନ୍ନତ ଯାନ୍ତ୍ରିକ କୌଶଳରେ କମ ସମୟରେ ଅଧିକ ଫସଲ ଉପାଦାନ କରିପାରିବେ ଓ ଯାନ୍ତ୍ରିକ ଯାନକୁ କିପରି ସଠିକ ଭାବେ ଉପଯୋଗ କରିପାରିବେ ତା ଉପରେ ପୁଙ୍ଖାନୁପୁଙ୍ଖ ଭାବେ ଆଲୋଚନା କରିଥିଲେ । ପରିଶେଷରେ ଇଞ୍ଜିନିଅର ବିରେନ୍ଦ୍ର ମହାପାତ୍ର ଧନ୍ୟବାଦ ଅର୍ପଣ କରିଥିଲେ।ଏହି କାର୍ଯ୍ୟକ୍ରମକୁ ପର୍ଜଙ୍ଗ ବାସି ପ୍ରଶଂସା କରିଥିଲେ ।
