ଜାତୀୟ ସ୍ତରୀୟ କୁସ୍ତି ପ୍ରତିଯୋଗିତାରେ ଖେଳିବା ପାଇଁ ମନୋନିତ ବିଶ୍ୱଜିତ୍ ନାଏକଙ୍କୁ ଆର୍ଥକ ସହାୟତା ପ୍ରଦାନ !
ଢେଙ୍କାନାଳ : ଓଡିଶା ରାଜ୍ୟ ବିଦ୍ୟାଳୟ କ୍ରୀଡା ସଙ୍ଗଠନ, ଭୁବନେଶ୍ୱର ଦ୍ୱାରା ଆୟୋଜିତ ଏବଂ ବିଦ୍ୟାଳୟ ଓ ଗଣଶିକ୍ଷାବିଭାଗ ତରଫରୁ ଅନୁଷ୍ଠିତ ୬୮ତମ ରାଜ୍ୟ ସ୍ତରୀୟ ବିଦ୍ୟାଳୟ ସମୁହ କୁସ୍ତି ପ୍ରତିଯୋଗିତାରେ ଉତୀର୍ଣ୍ଣ ହୋଇ ଜାତୀୟ ସ୍ତରକୁ ମନୋନିତ ହୋଇଥିବା ଉଦୟନାଥ ସରକାରୀ ଉଚ୍ଚ ବିଦ୍ୟାଳୟ, ନାଠୁଆର ଖେଳାଳୀ ବିଶ୍ୱଜିତ୍ ନାଏକଙ୍କୁ ବିଭିନ୍ନ ଅନୁଷ୍ଠାନ ତଥାବ୍ୟକ୍ତିଗତ ଭାବେ ଆର୍ଥିକ ସହାୟତା ପ୍ରଦାନ କରିଛନ୍ତି । ଭୁବନେଶ୍ୱର ମହାନିଗମର ୱାର୍ଡ ନଂ-୬୫ର କର୍ପୋରେଟର ରଶ୍ମିରଞ୍ଜନପାଠସାହାଣୀ ୧୦ ହଜାର ଟଙ୍କା, ଶ୍ରୀ ଭୂଲକ୍ଷ୍ମୀ ରିୟଲ୍କନ୍ ପ୍ରା.ଲିଃ.ର ପ୍ରୋପ୍ରାଇଟର ଅତିଶ୍ କୁମାର ମାର୍ଥା ୧୦ ହଜାର ଟଙ୍କା ଓଢେଙ୍କାନାଳର ମମତା ମଣ୍ଡପର ପ୍ରୋପ୍ରାଇଟର ସିତିକାନ୍ତ ପଟ୍ଟନାୟକ ୫ ହଜାର ଟଙ୍କା ବିଶ୍ୱଜିତ୍ ନାଏକଙ୍କୁ ଆର୍ଥିକ ସାହାଯ୍ୟକରିଛନ୍ତି । ଆସନ୍ତା ନଭେମ୍ବର ୧ ତାରିଖରେ ଉତରପ୍ରଦେଶ ଠାରେ ଅନୁଷ୍ଠିତ ହେବାକୁ ଥିବା ଜାତୀୟ ସ୍ତରୀୟ କୁସ୍ତି ପ୍ରତିଯୋଗିତାରେବିଶ୍ୱଜିତ୍ ନାଏକ ଭାଗ ନେବାକୁ ଯାଉଛନ୍ତି । ଆର୍ଥିକ ସହାୟତା ପ୍ରଦାନ ବେଳେ ବିଦ୍ୟାଳୟର ପ୍ରଧାନଶିକ୍ଷକ ଅଜୟ କୁମାର ମିଶ୍ର ,ଏନ୍.ଆଇ.ଏସ୍ କୋଚ୍ ଆର୍ଯ୍ୟରତ୍ନ ଦେବାୟନ ପଟ୍ଟନାୟକ, ପରିଚାଳକ ପୁରୁଷୋତମ ମାହନ୍ତ, ସହପରିଚାଳକ ଅଭୟ କୁମାରଦେହୁରୀ ଏବଂ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀଙ୍କ ସମେତ ଗ୍ରାମବାସୀମାନେ ଉପସ୍ଥିତ ଥିଲେ।