ଢ଼େଙ୍କାନାଳ : କୋଲକାତା ସ୍ଥିତ ଖିଦିରପୁର ଶ୍ରୀଜଗନ୍ନାଥ ମନ୍ଦିର ଉତ୍କଳ ସଭାଘର ପରିସରରେ ଭଦ୍ରକ ଜିଲ୍ଲା ବାସୁଦେବପୁର ଗୋପାଳ ଜିୟୁ ସାହିତ୍ୟ ସଂସ୍କୃତି ପରିଷଦ ର ଜାତୀୟ ଉତ୍ସବ ଅନୁଷ୍ଠିତ ହୋଇଯାଇଛି । ଅନୁଷ୍ଠାନ ର ସଭାପତି ବାହାଦୁର ପାଟ୍ଟଶାଣୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ପରିସଂଖ୍ୟାନ ବିଭାଗ ନିର୍ଦ୍ଦେଶକ ଡ଼ଃ ଅଶୋକ ପାଣିଗ୍ରାହୀ,ଡଃ ନୃସିଂହ ଚରଣ ପାଣିଗ୍ରାହୀ,ଡଃ ଜ୍ଞାନେଶ୍ଵର ମିଶ୍ର,କବୟିତ୍ରୀ ନିବେଦିତା ରଥ , ସଂଯୁକ୍ତା ଶରଣ ପ୍ରମୁଖ ଅତିଥି ଭାବେ ଯୋଗଦେଇ ଭୁବନ ର ବିଶିଷ୍ଟ କବି ସୁରେନ୍ଦ୍ର କୁମାର ପୃଷ୍ଟି ଙ୍କୁ ପୁଷ୍ପଗୁଚ୍ଛ,ଉତ୍ତରୀୟ ଓ ପ୍ରଶଂସା ପତ୍ର ଦେଇ ସମ୍ବର୍ଦ୍ଧିତ କରିଥିଲେ। ଢେଙ୍କାନାଳ ର ବରିଷ୍ଠ ଲେଖକ,କବି ତଥା ପାଲା ଗାୟକ ଡ଼ଃ ଦୁର୍ଗା ମାଧବ ପୃଷ୍ଟି ଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା। ସୁଦୂର କୋଲକାତା ରେ ସମ୍ବର୍ଦ୍ଧିତ ହୋଇଥିବା ଭୁବନ କବି ସୁରେନ୍ଦ୍ର ପୃଷ୍ଟି ଙ୍କୁ ବିଭିନ୍ନ ଅନୁଷ୍ଠାନ ପକ୍ଷରୁ ଅଭିନନ୍ଦନ ଓ ଶୁଭେଚ୍ଛା ଜ୍ଞାପନ କରାଯାଇଛି ।
