ଢ଼େଙ୍କାନାଳ: ଭୁବନ ବ୍ଲକ ଅନ୍ତର୍ଗତ ଭୂଷଳ ସ୍ଥିତ ସ୍ବାମୀ ତ୍ରିଗୁଣା ନନ୍ଦ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ତରଣୀ ସେନ ସାହୁ ଙ୍କୁ ନୁଆ ଭୁବନ ନୋଡାଲ ଉଚ୍ଚ ବିଦ୍ୟାଳୟ ରେ ଅବସର କାଳୀନ ସମ୍ବର୍ଦ୍ଧନା ଦିଆଯାଇଛି । ପ୍ରଧାନ ଶିକ୍ଷକ ଖଗେଶ୍ବର ବେହେରା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି ଭାବେ ନଗରପାଳ ଶୁଭେନ୍ଦୁ କୁମାର ସାହୁ,ମୁଖ୍ୟ ବକ୍ତା ଭାବେ ଗୋଷ୍ଠୀ ଶିକ୍ଷା ଅଧିକାରୀ ଅଦୈତ୍ୟ କୁମାର ସାମଲ, ସମ୍ମାନିତ ଅତିଥି ଭାବେ ଏ ବି ଇ ଓ ରାଜଲକ୍ଷ୍ମୀ ଟୁଡୁ, ସୁମତି ପ୍ରଧାନ,ପୁଷ୍ପାଞ୍ଜଳି ମିଶ୍ର,ସମାଜ ସେବୀ,ନରେନ୍ଦ୍ର କୁମାର ସାହୁ,ଚୈତନ୍ୟ ପୃଷ୍ଟି ପ୍ରମୁଖ ଯୋଗଦେଇ ପ୍ରଧାନ ଶିକ୍ଷକ ତରଣୀ ସେନ ସାହୁ ଏହି ବିଦ୍ୟାଳୟରେ ଦିର୍ଘ ୨୦ ବର୍ଷରୁ ଉର୍ଦ୍ଧ୍ବ ସମୟ ଧରି ଶିକ୍ଷାଦାନ କରିଥିଲେ । ସେ ଜଣେ ଛାତ୍ର ବତ୍ସଳ ତଥା ଆଦର୍ଶ ଶିକ୍ଷକ ଥିଲେ । ଏହି ବିଦ୍ୟାଳୟରୁ ପଦୋନ୍ନତି ପାଇ ଭୂଷଳ କୁ ଯାଇ ଗତ ଜୁଲାଇ ୩୧ ତାରିଖ ରେ ଅବସର ଗ୍ରହଣ କରିଥିଲେ ବୋଲି ମତବ୍ୟକ୍ତ କରି ତାଙ୍କର ଦୀର୍ଘ ନିରାମୟ ଜୀବନ କାମନା କରିଥିଲେ। ପରିଚାଳନା କମିଟି ସଭାପତି ବିପିନ ବିହାରୀ ସେଠୀ ଧନ୍ୟବାଦ ଅର୍ପଣ କରିଥିଲେ। ନଗରପାଳ ଙ୍କ ଦ୍ଵାରା ଉତ୍ତରୀୟ ପ୍ରଦାନ କରାଯାଇ ପ୍ରଧାନ ଶିକ୍ଷକ ଶ୍ରୀଯୁକ୍ତ ସାହୁ ଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ବିଦ୍ୟାଳୟ ତରଫରୁ ତିଥି ଭୋଜନରେ ଆପ୍ୟାୟିତ କରାଯାଇଥିଲା ।
