ଢେଙ୍କାନାଳ : ଢେଙ୍କାନାଳ ଜିଲା ବିଜୁ ଜନତା ଦଳର ୩ଜଣ ବରିଷ୍ଠ ନେତାଙ୍କୁ ରାଜ୍ୟ ବିଜେଡି ସଭାପତି ନବୀନ ପଟ୍ଟନାୟକ ବିଭିନ୍ନ ପଦବୀରେ ଅବସ୍ଥାପିତ କରି ଦାୟିତ୍ୱ ପ୍ରଦାନ କରିଛନ୍ତି । ଜିଲ୍ଲା ବିଜେଡିର ଉପସଭାପତି ଭାବେ ବରିଷ୍ଠ ନେତା ସୁକାନ୍ତ କୁମାର ମିଶ୍ର, ସାଧାରଣ ସମ୍ପାଦକ ଭାବେ ମିହିର ପ୍ରସାଦ ରାଉତ ଓ ଢେଙ୍କାନାଳ ପୌରାଂଚଳ ସଭାପତିଭାବେ ବିନୋଦ କୁମାର ମହାନ୍ତିଙ୍କୁ ରାଜ୍ୟ ସଭାପତିଙ୍କ ନିର୍ଦ୍ଦେଶ କ୍ରମେ ରାଜ୍ୟ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ନିଯୁକ୍ତିପ୍ରଦାନ କରିଛନ୍ତି । ଏହି ଉପଲକ୍ଷେ ସୁକାନ୍ତ କୁମାର ମିଶ୍ର, ମିହିର ପ୍ରସାଦ ରାଉତ ଓ ବିନୋଦ କୁମାର ମହାନ୍ତି ସେମାନଙ୍କରଏହି ନୂତନ ନିଯୁକ୍ତିକୁ ନେଇ ରାଜ୍ୟ ବିଜେଡି ସଭାପତି ନବୀନ ପଟ୍ଟନାୟକ, ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ, ଜିଲାସଭାପତି ତଥା ପରଜଙ୍ଗ ବିଧାୟକ ଡା. ନୃସିଂହ ଚରଣ ସାହୁ, ଢେଙ୍କାନାଳ ବିଧାୟକ ସୁଧିର କୁମାର ସାମଲଙ୍କୁ କୃତଜ୍ଞତାଜ୍ଞାପନ କରିଛନ୍ତି ।
