ରୋଟାରୀ କ୍ଲବ୍ ପକ୍ଷରୁ ସାଧାରଣତନ୍ତ୍ର ଦିବସ ଅବସରରେ ରକ୍ତଦାନ ଶିବିର ଅନୁଷ୍ଠିତ : ୫୦ ୟୁନିଟ୍ ରକ୍ତ ସଂଗୃହୀତ !
ଢେଙ୍କାନାଳ,୨୯ା୧: ଜିଲ୍ଲାସ୍ତରୀୟ ସାଧାରଣତନ୍ତ୍ର ଦିବସ ପାଳନ ଅବସରରେ ଢେଙ୍କାନାଳ ରୋଟାରୀ କ୍ଲବ୍ ପକ୍ଷରୁ ସ୍ଥାନୀୟ ରୋଟାରୀ କର୍ଣ୍ଣର ଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଜିଲ୍ଲା ବ୍ଲଡ୍ ସେଂଟର ଓ ରକ୍ତଦାତା ଓ ଅନୁପ୍ରେରକ ସଂଘ ସହଯୋଗରେ ଆୟୋଜିତ ଏହି ଶିବିରରେ ୫୦ ୟୁନିଟ୍ ରକ୍ତ ସଂଗୃହୀତ ହୋଇଥିଲା । ରୋଟାରୀ କ୍ଲବ୍ ସଭାପତି ଡା. ଅବୋଧ ମହାପାତ୍ରଙ୍କ ଅଧ୍ୟକ୍ଷତାରେ “”ରକ୍ତଦାନ ଓ ଉପକାରିତା” ଶୀର୍ଷକ ସଚେତନତା ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଏଥିରେ ଇନର୍ ହୁଇଲ୍ କ୍ଲବ୍ ସଭାନେତ୍ରୀ ଗାୟତ୍ରୀ ହିନ୍ଦୋଚା, ସଂପାଦିକା ଶ୍ରଦ୍ଧା ଅଗ୍ରୱାଲ, ରୋଟ୍ରାକ୍ଟର କ୍ଲବ୍ ପକ୍ଷରୁ ଅବିନାଶ ସାହୁ, ରୋଟାରୀ କମ୍ୟୁନିଟ୍ କର୍ପସ୍, ଗଜମା ପକ୍ଷରୁ ସଞ୍ଜୟ କୁମାର ନାୟକ ଓ ରକ୍ତଦାତା ଅନୁପ୍ରେରକ ସଂଘ ପକ୍ଷରୁ ବିରଂଚି ପାଣି ଆଲୋଚନାରେ ଅଂଶ ଗ୍ରହଣ କରିଥିଲେ । ରୋଟାରୀ କ୍ଲବ୍ ସଂପାଦକ ଗୌରବ ସରାଗୌ ଧନ୍ୟବାଦ ଅର୍ପଣ କରିଥିଲେ ।
ରୋଟାରିଆନ୍ ମହେଶ ଅଗ୍ରୱାଲ, କୃଷ୍ଣ ଚନ୍ଦ୍ର ଦେବତା, ବିଶ୍ୱଜିତ୍ ସାମଲ, ପ୍ରଦୋଶ ଶତପଥୀ, ହର୍ଷ ବର୍ଦ୍ଧନ ସିଂହଦେଓ, ହରେକୃଷ୍ଣ କର, ନବୀନ ଚନ୍ଦ୍ର ନାରାୟଣ ଦାସ, ରାଜେନ୍ଦ୍ର ଦାସ, ବିନୋଦ ଅଗ୍ରୱାଲ, ନିରଦାନନ୍ଦ ନନ୍ଦ, ସାଗରିକା ମିଶ୍ର, ସଂଧ୍ୟାରାଣୀ ମହାପାତ୍ର, ଦେବବ୍ରତ ଭଟ୍ଟ, ଅଭିମନ୍ୟୁ ସାହୁ ଓ ରୋଟାରିଆନ୍ ରାଜ କିଶୋର ବେହେରା ପ୍ରମୁଖ ସହଯୋଗ କରିଥିଲେ ।
ରକ୍ତ ଭଣ୍ଡାର ପକ୍ଷରୁ ଡା. ଆଶିଶ ଅଂଶୁମାନ, ଟେକ୍ନିସିଆନ୍ ପରମାନନ୍ଦ ପଣ୍ଡା, ତପନ ଜେନା, ଅଜୟ ସ୍ୱାଇଁ ପ୍ରମୁଖ ରକ୍ତ ସଂଗ୍ରହ କରିଥିଲେ ।