ଢ଼େଙ୍କାନାଳ:ସାରା ରାଜ୍ୟରେ ଗାଁ ଗଣ୍ଡା ମାନଙ୍କରେ ହିନ୍ଦୁତ୍ବ କୁ ଜାହିର କରିବା ପାଇଁ ଧୁମ୍ ଧାମରେ ମକର ସଂକ୍ରାନ୍ତି ପର୍ବ ପାଳନ ହେଉଥିବା ବେଳେ ହିନ୍ଦୋଳ ଉପଖଣ୍ଡ ଅନ୍ତର୍ଗତ ଗଣ୍ଡାନାଳୀ ଗ୍ରାମର କ୍ଷେତ୍ରପାଳ ସାହି ନିକଟରେ ଥିବା ପ୍ରଭୁ କ୍ଷେତ୍ରପାଳ ଙ୍କ ମନ୍ଦିରରେ ଗ୍ରାମବାସୀ ଙ୍କ ସହଯୋଗରେ ମକର ମହୋତ୍ସବ ଅନୁଷ୍ଠିତ ହୋଇଯାଇଛି। ଏହି ମହୋତ୍ସବରେ ମହିଳା ଓ ପୁରୁଷ ସଂକୀର୍ତ୍ତନ ମଣ୍ଡଳୀ ଙ୍କ ସମେତ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ମାନେ ଯୋଗଦାନ କରିଥିଲେ। ସେହିପରି ବାଉଁଶ ପଂଚାୟତ ର ଡିହାସାହି ଆଶ୍ରମ ଠାରେ ମକର ମେଳା ମହୋତ୍ସବ ଅନୁଷ୍ଠିତ ହୋଇଯାଇଛି। ଏଥିରେ ଗ୍ରାମର ଆବାଳ ବୃଦ୍ଧ ବନିତା ସହଯୋଗ କରିବା ସହ ଯୋଗଦାନ କରିଥିଲେ। ଆଖପାଖ ର ପ୍ରାୟ ୫ ଟି ପଂଚାୟତ ର ଲୋକ ମାନଙ୍କୁ ତଥା ଉଚ୍ଚପଦସ୍ଥ ପ୍ରଶାସକ ଓ ଶାସକ ମାନଙ୍କୁ ନିମନ୍ତ୍ରଣ କରାଯାଇଥିଲା। ଏହି ମହୋତ୍ସବରେ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ମାନେ ଯୋଗଦେଇଥିଲେ।
